________________
આચાર્યોના પટ્ટકોની સંકલના કરી છે. આ સિવાય વિવિધગચ્છોમાં આવા અનેક પટ્ટકોની રચના અવસરે અવસરે થતી રહી છે એ નિશ્ચિત વાત છે. અમે પણ આ સંકલનમાં ખરતરગચ્છીય યુગપ્રધાનશ્રીજિનચન્દ્રસૂરિ રચિત બે પટ્ટકોનો સમાવેશ કર્યો છે.
શ્રમણપરંપરાનો ઇતિહાસ તપાસતા પાછલા પાંચથી છ સૈકામાં આવા પટ્ટકોની રચના વિશેષપ્રમાણમાં થઇ હોય તેમ જણાય છે. પ્રાપ્ત ઇતિહાસ અનુસાર સહુથી પ્રથમ પટ્ટક તપાગચ્છના આદ્ય આચાર્યશ્રી જગચંદ્રસૂરિમહારાજે રચ્યો હોય તેમ જણાય છે. (જુઓ - વિજયમાનસૂરિનિર્દેશિત સામાચારિજલ્પપટ્ટક તથા શ્રી યશોવિજયજી મહારાજ આદિ રચિત મર્યાદાપટ્ટક) કમનસીબે આ પટ્ટક હજી સુધી પ્રાપ્ત થયો નથી. આ સિવાય પણ બીજા કેટલાક પટ્ટકો એવા છે... જેનો ઉલ્લેખ પરવર્તી આચાર્યોના પટ્ટકમાં જોવા મળે છે, પણ વર્તમાનમાં તે પ્રાપ્ત થતા નથી.
આમાંના બે પટ્ટકો છે... શ્રી વિજયદાનસૂરિ મહારાજના. એમાંનો એક એટલે શ્રી વિજયદાનસૂરિ મહારાજરચિત સાત બોલ. જગદ્ગુરૂશ્રી હીરવિજયસૂરિ મહારાજે આ સાતબોલનો વિસ્તાર કરી બાર બોલ બનાવ્યા હતા... એ બાર બોલ મળે છે, પણ અક્ષરશઃ સાત બોલ ક્યાંય જોવા મળ્યા નથી. એ સિવાય બીજો એક પટ્ટક એટલે શ્રીવિજયદાનસૂરિ મહારાજ રચિત ૩૫ બોલ. આનો ઉલ્લેખ જગદ્ગુરુશ્રી હીરવિજયસૂરિ મહારાજે કર્યો છે તથા મહો. શ્રીયશોવિજયજી મહારાજ આદિ રચિત મર્યાદાપટ્ટકમાં પણ થયો છે.
AT
