________________
ધર્મ-અર્થ અને કામ એ ત્રણ વર્ગ સાધ્યા વિના મનુષ્ય જન્મ પશુની જેમ નિષ્ફળ છે. તે ત્રણમાં પણ ધર્મ ઉત્તમ છે, કારણ કે ધર્મ વિના અર્થ-કામ મળતા નથી. ૯
મનુષ્યપણું, આવેદશ, આર્યજાતિ, ઈદ્રિયોની પૂર્ણતા અને પૂર્ણાયુઃ આટલી વસ્તુઓ કાંઈક કર્મની લઘુતાથી કાંઈક મળે. ૧૦
(દસમાં શ્લોકમાં બતાવેલ) આટલી વસ્તુઓ પુણ્યથી પ્રાપ્ત થયા પછી પણ શ્રી જિનવચન ઉપર શ્રદ્ધા થવી દુર્લભ છે. તેનાથી પણ દુર્લભ સદ્ગુરુ ભગવંતનો સંયોગ છે, જો ભાગ્ય હોય તો જ સદ્ગુરુ પ્રાપ્ત થાય છે. ૧૧
રાજ જેમ ન્યાયથી શોભે, પુષ્પ સુગંધથી શોભે, ભોજન ઘીથી શોભે તેમ આ સઘળી વસ્તુઓ મળ્યા બાદ સદાચાર હોય તો શોભે છે. ૧૨
શાસ્ત્રમાં જોયેલી વિધિદ્વારા સદાચાર સેવવામાં તત્પર એવો પુરુષ પરસ્પર બાધા ન પહોંચે તે રીતે આનંદથી ત્રણ વર્ગને સાધે. ૧૩
રાત્રિના ચોથા પ્રહરમાં જ્યારે બ્રાહ્મ મુહૂર્ત ચાલતો હોય (સૂર્યોદયપૂર્વે ૯૬ મિનિટ) ત્યારે ઉદ્યમ કરી, પંચ પરમેષ્ઠિ સ્તુતિને (નવકાર મંત્રને) ભણતા એવા બુદ્ધિમાન પુરુષે નિદ્દાનો ત્યાગ કરવો. ૧૪
શયાથી ઉક્યા બાદ ડાબી અથવા જમણી જે નાડી (શ્વાસ) વહેતી હોય તે તરફનો પગ પ્રથમ ધરતી ઉપર સ્થાપવો. ૧૫
સૂવાના કપડાંનો ત્યાગ કરી, બીજા ચોખ્ખા વસ્ત્ર પહેરી, શુદ્ધ ભૂમિ ઉપર બેસીને બુદ્ધિવંત પંચનમસ્કારનું (નવકારમંત્રનું) ધ્યાન ધરવું. ૧૬
પૂર્વ અથવા તો ઉત્તર દિશા તરફ શુદ્ધ સ્થાનમાં બેસીને પવિત્ર શરીર અને સ્થિર મનવાળા પુરુષે નવકાર મંત્ર જપવો. ૧૭
