________________
સ્નાન કરતાં પહેરેલ વસ્ત્ર છોડી, બીજું શુદ્ધ વસ્ત્ર પહેરી જ્યાં સુધી પગ ભીના હોય ત્યાં સુધી શ્રીજિનેશ્વરનું સ્મરણ કરતા ત્યાં ઉભા રહેવું ૯
નહિતર પવિત્ર થયેલા પગ ફરીને મેલ લાગવાથી અપવિત્ર બની જાય છે અને ભીના પગમાં જીવો ચોંટીને મરી જવાથી મોટું પાપ લાગે છે. ૧૦
ઘર દેરાસર પાસે જઈ, ભૂમિને પૂંજી, પછી શુદ્ધ પૂજાના વસ્ત્રો પહેરવા અને મુખકોશ (આઠપડનો) બાંધવો. ૧૧
જિનેશ્વરની પૂજા કરતાં મનશુદ્ધિ-૧, વચનશુદ્ધિ-૨, કાયશુદ્ધિ-૩, વસ્ત્રશુદ્ધિ-૪, ભૂમિશુદ્ધિ-૫, પૂજોપકરણશુદ્ધિ-૬, અને સ્થિરતાશુદ્ધિ-૭, ઃ એમ સાત પ્રકારે શુદ્ધિ રાખવી. ૧૨
પૂજા કરતી વખતે કામરાગને વધારનાર સ્ત્રીના વસ્ત્રો પુરુષે ક્યારેય પહેરવા નહિ તેમજ પુરુષોના વસ્ત્રો સ્ત્રીએ ન પહેરવા. ૧૩
નિર્મળકળશમાં લાવેલ શુદ્ધજળથી શ્રીજિનેશ્વરના અંગોનું અભિષેક કરી ઉત્તમ કોમળ વસ્ત્રોવડે અંગલુછણાં કરવા. ત્યારબાદ અષ્ટપ્રકારી પૂજા કરવી. ૧૪
સુંદર બરાસ મિશ્રિત, કસ્તૂરિ કેશર-કપુર આદિ રસથી યુક્ત, મનોહર એવા ઉત્તમ પ્રકારના ચંદનથી, રાગાદિદોષરહિત, ઈદ્રોવડે પૂજિત. ત્રણલોકના નાથ એવા શ્રી જિનેશ્વરની હું પૂજા કરું છું. ૧૫
જાઈ, જાસુદ, બકુલ (બોલસિરિ), ચંપો, પાડલ, મંદાર, મચકુંદ, ગુલાબ, કમળ તથા અન્ય પણ પુષ્પો વડે સંસારનો અંત આણનાર અને કરુણાવંતમાં અગ્રેસર એવા શ્રીજિનેન્દ્રને હું પૂછું છું.. ૧૬
પોતાના પાપોના નાશ માટે, કૃષ્ણાગરુથી ભરપૂર, સાકરયુક્ત, ઘણા કપૂરથી સહિત ઘણા પ્રયત્નથી મેળવેલ અને ઘણા આનંદને આપનાર એવો ધૂપ શ્રીજિનેશ્વરની સામે હું ભક્તિથી ઉવેખું છે. ૧૭
