________________
અર્થ : આઠ ચક્રવર્તી મોક્ષે ગયા છે, સુભૂમ અને બ્રહ્મદત્ત એ બે ચક્રી સાતમી નરક પૃથ્વીએ ગયા છે તથા મઘવા અને સનકુમાર એ બે ચક્રવર્તી સનકુમાર નામના ત્રીજા સ્વર્ગમાં (દેવલોકમાં) ગયા છે. (૫૭)
(૩૧) વાસુદેવ અને બળદેવની ગતિ अनियाणकडा रामा, सव्वे वि य केसवा निआणकडा । उर्दु गामि अ रामा, केसव सव्वे अहोगामी ॥ ५८ ॥
અર્થઃ સર્વે બળદેવો નિયાણા રહિત હોય છે અને સર્વે વાસુદેવો પૂર્વે નિયાણું કરેલા જ હોય છે. તેથી સર્વે બળદેવો ઊર્ધ્વગામી (સ્વર્ગ કે મોક્ષગામી) હોય છે અને સર્વે વાસુદેવો અધોગામી (નરકગામી) જ હોય છે. (૫૮) (પ્રતિવાસુદેવો પણ નરકગામી હોય છે.)
(૩૨) ચક્રવર્તી અને વાસુદેવની
ઉત્પત્તિનો અનુક્રમ चक्किदुगं हरिपणगं, पणगं चक्की य केसवो चक्की । केसव चक्की केसव, दुचक्की केसवो चक्की ॥ ५९ ॥
અર્થ: પ્રથમ બે ચક્રવર્તી, પછી પાંચ વાસુદેવ, પછી પાંચ ચક્રવર્તી, પછી એક વાસુદેવ, પછી એક ચક્રી, પછી એક વાસુદેવ, પછી એક ચક્રી, પછી એક વાસુદેવ, પછી બે ચક્રી, પછી એક વાસુદેવ, પછી એક ચક્રવર્તી – આ અનુક્રમે આ ભરતક્ષેત્રમાં ૧૨ ચક્રવર્તી અને ૯ વાસુદેવો થયા છે. (૫૯).
(ઉપરની ગાથા યાકિનીમહત્તરા સાધ્વી પાસેથી સાંભળીને હરિભદ્ર નામના વિખે તેનો અર્થ ન સમજવાથી સાધ્વીજીએ તેનો અર્થ કહેતાં પ્રતિજ્ઞા પ્રમાણે જૈન ધર્મ અંગીકાર કર્યો હતો.) ૧ પૂર્વ જન્મમાં નિયાણું ન કર્યું હોય એવા.
રત્નાસંચય - ૪૭
