________________
ઉપવાસ કરવાથી જેટલાં કર્મોને ખપાવે છે, તેટલાં કમોં નારકીના જીવો હજાર, લાખ ને કોટિ વર્ષે દુઃખ ભોગવીને ખપાવે છે. (૫૧૫) (અર્થાત્ પોરસીથી હજાર વર્ષ, ઉપવાસથી લાખ વર્ષ અને છઠ્ઠથી ક્રોડ વર્ષ સુધી ભોગવવા પડે તેવા અશુભ કર્મનો ક્ષય થાય છે.)
(૩૧૯) સાધુને કલ્પનીય જળ गिण्हइ जुआरजलं, अंबिलधोअणतिदंडमुक्कलयं । वनंतरायपत्तं, फासुअसलिलं च तदभावे ॥ ५१६ ॥
અર્થ : જુવારના ધોવણનું પાણી, આંબલીના ધોવણનું પાણી અને ત્રણ ઉભરાએ ઉકાળેલું પાણી સાધુને ગ્રહણ કરવા લાયક છે. તેવું જળ ન મળે તો બીજા વર્ણને પામેલું એટલે જેના વર્ણ, ગંધ, રસ અને સ્પર્શ બદલાઈ ગયા હોય એવું પ્રાસુક જળ પણ લેવું કહ્યું છે. (૫૧૬) (૩૨૦) શ્રી સીમંધર સ્વામીના જન્માદિકનો
કાળ તથા જન્મસ્થાન पुक्खलवईयविजये, पुव्वविदेहम्मि पुंडरिगिणीए । कुंथुअरहंतरम्मि अ, जाओ सीमंधरो भयवं ॥ ५१७ ॥
અર્થ : પૂર્વ મહાવિદેહ ક્ષેત્રમાં પુષ્કલાવતી નામની વિજયમાં પુંડરિકિણી નામની નગરીમાં કુંથુનાથ અને અરનાથના આંતરામાં શ્રી સીમંધર નામના ભગવાન થયા છે - જન્મ્યા છે. (૫૧૭)
मुणिसुव्वयजिणनमिजिण-अंतरे रज्जं चइत्तु निक्खंतो । सिरिउदयदेवपेढाल-अंतरे पावई मुक्खं ॥ ५१८ ॥
અર્થ : મુનિસુવ્રતસ્વામી અને નમિનાથના આંતરામાં સીમંધર સ્વામીએ રાજયનો ત્યાગ કરી દીક્ષા ગ્રહણ કરી છે તથા શ્રી ઉદયજિન અને પેઢાલજિન જે આવતી ચોવીશીમાં ૭મા ને ૮મા થવાના છે તેમના આંતરામાં તે નિર્વાણ પામવાના છે. (૫૧૮),
- રત્નસંચય - ૨૧૯
