________________
આ સંયુક્ત પુસ્તક પ્રગટ થાય છે. એ રીતે ધર્મના ચાર પ્રકારનું વર્ણન થઈ ગયું છે. શીલમાં બારવ્રતનું પણ વિસ્તૃત વર્ણન આપવા ધારેલું હતું. પણ તે હજુ તૈયાર થઈ શકેલ નથી. તેથી તે જુદા પુસ્તક રૂપે પ્રગટ કરીશું.
દાન શીળ સંબંધીનું મારું વિવેચન અનેક સૂત્રો તથા ગ્રંથો ઉપરથી તૈયાર કરવામાં આવેલ છે તેથી તે સર્વ ગ્રંથના લેખકોનો આભાર માનું છું. તેમ જ એ વિષયને લગતા લેખો અન્ય મુનિઓ તથા ગૃહસ્થોના પણ ઉપયોગી હોઈ તેનો પણ આ પુસ્તકમાં સંગ્રહ કરવામાં આવ્યો છે, તે સર્વ લેખકોને પણ આભાર માનું છું.
આ પ્રમાણેને આ સંગ્રહ વાંચકોને સારી રીતે ઉપયોગી થઈ પડશે એમ આશા રાખું છું.
–શેઠ નગીનદાસ ગિરધરલાલ
