________________
જાગવા માટેનું આવું પ્રબળ નિમિત્ત મળતાં જ અખો જાગી ઊઠ્યો. અને એનું જાગરણ ધીરે ધીરે “અખાના ચાબખા' રૂપે એટલું બધું વિખ્યાત અને લોકપ્રિય નીવડ્યું કે, એના શબ્દોમાં સન... સન... કરતાં છૂટતાં બાણ જેવી વેધકતા હોવા છતાં એને હસતે હૈયે આવકારતાં, માખણ જેવું મુલાયમ મન ધરાવતા આજના સુંવાળા સંસારને કવિની કડવી કવિતાઓ તરફ જરાય અભાવ કે દુર્ભાવ જાગ્યો નહિ અને આજેય જાગતો નથી.
શરીર પર સોટી ફટકારનારા જુલમગારો ઘણા થઈ ગયા, એક વખત એમનાં નામ ગાજતાં હતાં, આજે એમને કોઈ યાદ પણ કરતું નથી, ચિત્ત અને ચેતનને ચાબુક મારાનારા અને હૈયાને હંટર ફટકારનારા અખા જેવા કવિ ઓછા જોવા મળે છે, આજેય લોકોના માટે અખાના ચાબખા જીવંત છે, કારણ કે પ્રેરકબળ હતું : ત્યાગ અને વૈરાગ્ય !
સંસ્કૃતિની રસધાર ભાગ-૩
–
૯) ૧૫
