________________
વિશ્વાસ સાથે જેઠીબાઇ દીવ તરફ પાછાં ફર્યાં. અરજીનું પ્રતિનિધિત્વ અદા કરતી એમની ઓઢણી ભેટણાં-રૂપે રાજા-રાણીના હાથમાં સમર્પિત થઇ. ઓઢણીના પોત ઉપરાંત ભાત જોઇને રાણીસાહેબા તો ખુશ ખુશ બની ગયાં. પણ જ્યાં એમની નજ૨ ઓઢણીમાં અક્ષરાંકિત બનેલી અરજી પર ગઇ, ત્યાં જ તેઓ સ્તબ્ધ બની ગયાં. ગવર્નર દ્વારા ચલાવાતા દમનના દોરની વિગતો વાંચીને એમની આંખ લાલઘૂમ બની ઉઠી. વિના વિલંબે એ અરજીની વાતો અમલી બને, એ માટે દીવના સૂબા પર અન્યાયી-કાયદા રદ કરવાનો હુકમ છૂટ્યો અને આવી બાબતો અંગે ગોવાના ગવર્નર પાસે ખુલાસો માંગવામાં આવ્યો.
ઓઢણીમાં અક્ષરાંકિત અરજીને આવી સફળતા મળવા બદલ દીવ ઉપરાંત દમણ અને ગોવામાં પણ હર્ષ છવાઇ ગયો. જેઠીબાઇને મળેલી ધારણાતીત સફળતાની વાતો ફેલાતાં જ એમનાં માનપાન અને સ્થાનમાન વધી ગયાં, આટલું જ નહિ, હિંમતભેર આવી અરજી કરનારી એક નારી તરફ રાજા-રાણી ઓવારી ઉઠ્યાં. લિસ્બનથી થયેલ હુકમ અનુસાર આવી બહાદુ૨-નારીને દીવ ખાતે ૨૧ તોપોની સલામી આપવામાં આવી. તદુપરાંત જેઠીબાઇના ઘર આગળના રોડને ‘જેઠીબાઇ રોડ' આવું નામ આપવામાં આવ્યું. દર રવિવારે એમના ઘર આગળ બેન્ડની સલામી આપવાનો હુકમ થયો તથા ૧૯૩૮માં દીવની સીટી બસસેવાને ‘જેઠીબાઇ ટ્રાન્સપોર્ટ’ આ નામ આપવામાં આવ્યું. જેઠીબાઇના કારખાના આગળથી પસાર થતા સરકારી-અમલદારોને માથેથી હેટ ઉતારીને પછી જ આગળ વધવાનો હુકમ પણ અમલી બનાવાયો.
આ બધી કાર્યવાહી રાજારાણીએ લિસ્બનથી પોતાના અગત્યના સંદેશા સાથે માર્શલ કામોનને દીવમાં પાઠવીને પાર પાડી. ઇતિહાસની નોંધ મુજબ પોર્ટુગલના પાટનગર લિસ્બન શહેરના રાષ્ટ્રીય-મ્યુઝિયમમાં આજેય એ ઓઢણી અને એ લખાણ વાંચવા મળે છે કે- ‘યાન દ. જેઠી’ અર્થાત્ જેઠીબાઇની ઓઢણી સાંભળવા મુજબ દીવની સીટી બસ સેવા સંસ્કૃતિની રસધાર ભાગ-૧ ૧૧૯
@>
