________________
૨૭૩
ભિક્ષા
ગૌ – હે ભગવન્! ઉત્તમ શ્રમણ યા બ્રાહ્મણને સજીવ અને સદોષ અન્નપાદિ આપતા શ્રમણોપાસકને શું થાય ?
મ – હે ગૌતમ ! ઘણી નિર્જરા થાય, અને અત્યંત અલ્પ પાપકર્મ થાય.
ગૌ – હે ભગવન્ ! વિરતિરહિત, તથા પાપકર્મને ન રોકનારા અને પ્રતિજ્ઞાપૂર્વક ન ત્યાગનારા અસંયમી સાધુને સજીવ કે નિર્જીવ, નિર્દોષ કે સદોષ અન્નપાનાદિ આપતા શ્રમણોપાસકને શું થાય ?
મ – હે ગૌતમ ! નર્યું પાપકર્મ થાય, પણ નિર્જરા જરા પણ ન થાય.
– શતક ૮, ઉદ્દે ૬
ગૃહસ્થને ઘેર આહાર ગ્રહણ કરવાની ઇચ્છાથી દાખલ થયેલા નિગ્રંથને કોઈ ગૃહસ્થ બે પિંડ આપે અને કહે કે, “એક તમે ખાજો અને બીજો સ્થવિરોને આપજો . પછી તે નિગ્રંથ તે બંને પિંડ ગ્રહણ કરે અને
વિરોની શોધ કરે; તપાસ કરતાં જ્યાં સ્થવિરોને જુએ ત્યાં જ તે પિંડ તેમને આપે; જો સ્થવિરો ન જડે, તો તે પિંડ પોતે ખાય નહિ, અને બીજાને આપે નહિ, પણ એકાંત-જવરઅવર વિનાનું, નિર્જીવ સ્થળ જોઈને તેને સાફ કરી ત્યાં નાખી દે.
એ પ્રમાણે ત્રણ, ચાર ... અને દશ પિંડનું તથા પાત્ર વગેરેનું પણ સમજવું.
– શતક ૮, ઉદ્દે ૬
