Jain Dharmni Vaigyanik Aadharshila

SR No.: 023257
Original Sutra Author: N/A
Author: Kanti V Maradia
Publisher: L D Institute of Indology
Publication Year: 2011
Total Pages: 178
Language: Gujarati
Classification: Book_Gujarati
File Size: 12 MB

Page 11

પૉલ મારેટનું “Jainism Explained” (૧૯૮૫) અને વિનોદ કપાશીનું “Jainism for Young Persons” (૧૯૮૫) જોવા જોઈએ. ઉર્ફલા કિંગ(૧૯૮૭)નો લેખ જોવા પણ ભલામણ છે.
આ પુસ્તક માટે ગણિત અને ભૌતિકશાસ્ત્રનો આછો અછડતો પરિચય ઉપયોગી થશે. એને કારણે વૈજ્ઞાનિક અને ચિત્રાત્મક નિરૂપણ સમજી શકાશે, અન્યથા એ શક્ય નહિ બને. ઘણાં જૈન બાળકો જન્મથી જૈન હોવાથી જૈન ધર્મ પાળે છે, શ્રદ્ધાથી નહિ. ભારતમાં આશરે ૯૦ લાખ અને પરદેશમાં આશરે એક લાખ જૈનો છે. એવી આશા રાખીએ કે આ પુસ્તક શ્રદ્ધાથી જૈન ધર્મ પાળનારાં બાળકોને ઉપયોગી થશે.
- પ્રકરણ ૧ જૈનધર્મનો ટૂંકો પરિચય અને ચાર વિધાનોની યાદી આપે છે. પ્રકરણ ૨ થી ૭ વિધાનોની સમજૂતી આપે છે અને આધુનિક સંદર્ભમાં તેમની વિશ્વસનીયતા સમજાવે છે. આ વિધાનોને કારણે કેટલીક મહત્ત્વની બાબતો ઉદ્ભવે છે અને એ વિસ્તારપૂર્વક રજૂ કરવામાં આવી છે. પ્રકરણ ૮માં મૂળભૂત પ્રણાલીઓની રૂપરેખા અને પ્રકરણ ૯માં જૈન તર્કની કેટલીક સંકલ્પનાઓ આપી છે. પ્રકરણ ૧૦ દર્શાવે છે કે જૈનધર્મ અને આધુનિક વિજ્ઞાન કેવો સંબંધ ધરાવે છે. પુસ્તકને અંતે જૈન પારિભાષિક શબ્દાવલી આપેલી છે, જે વાચકને તેના અંગ્રેજી પર્યાય જાણવામાં મદદરૂપ થશે.
પરિશિષ્ટ ૧માં ભગવાન મહાવીરનું એક વ્યક્તિ તરીકેનું જીવન આપ્યું છે. પરિશિષ્ટ માં એવા માન્ય જૈન ગ્રંથોનો આછો ખ્યાલ આપ્યો છે, જેમાંથી વિધાનો તારવ્યાં છે. ખ્રિસ્તી ધર્મ માટે એક ગ્રંથ બાઈબલ છે, એવો એક માત્ર ગ્રંથ જૈનધર્મ માટે નથી, બલ્ક હાલમાં (શ્વેતામ્બરોમાં) ઉપલબ્ધ છે એવા ગ્રંથોની સંખ્યા ૪૫ છે. પરિશિષ્ટ ૩ અ માં જેનાં પર વિધાનો આધારિત છે એવા મૂળ સ્રોત દર્શાવ્યાં છે. વળી. પરિશિષ્ટ ૩ બ માં કેટલાંક મહત્ત્વનાં અવતરણો, જેમનો લખાણમાં ઉલ્લેખ છે તે દર્શાવ્યાં છે. પરિશિષ્ટ ૪ માં શુદ્ધીકરણનાં સોપાનોની મહત્ત્વની સંકલ્પનાનું સરળ રમત – સાપસીડીથી નિરૂપણ કર્યું છે. તે પછી સંદર્ભસૂચિ પણ આપી છે.
જેઓએ જૈનધર્મનો ખ્યાલ સીધેસીધો મેળવવો હોય તેમને