________________
પછી હજી ભાનમાં આવ્યા નથી. બે પગે દોડો છો, પછી લાકડી સાથે ત્રણ ચાર પગે દોડશો. મઝા આવશે ને?
એક ક્ષણમાં મુક્ત થાય તેવું આત્મબળ કેવળ ક્ષણિક મનોરંજનમાં ગુમાવશો ! મૂલ્યવાન હીરો ઈન્દ્રિયોની ક્ષુદ્રતાને કોટે બાંધશો?
મુંઝાવ છો શા માટે ? મનને કેળવો, શ્રદ્ધા દઢ કરો. હવે આ ક્ષુદ્રતા ન જોઈએ. હું તો એક ચૈતન્ય સ્વરૂપ મહાન સત્તા છું. તેને કોડીની કક્ષામાં કયાં મૂકું છું? નરી ક્ષુદ્રતા?
ધર્મના સ્થાનો રિસોર્ટ રૂપ ધારણ કરવા માંડયા છે તે માનવ મનનો પડઘો છે. એવું મેલું મન લઈ, પ્રભુ દર્શન ભાવથી કર્યા. એમ કહો છો જાતને ક્યાં સુધી છેતરશો? જડતા તમને લૂંટવા બેઠી છે તમે લૂંટાવ છો. એકવાર એ દિશા બંધ કરો પછી જુઓ તમારી પાસે કેવું મૂલ્યવાન તત્ત્વ છે, જે સુખથી ભરેલું છે. પુનઃ મેળવતા દીર્ઘકાળ જશે. તો પણ હાથ વગે નહિ થાય. માટે તે મૂલ્યવાન તત્ત્વોને કોઈ સંતોના સમાગમે સાચવી લો. જે એકાદ સામાયિક કે થોડા તપ જેવા સાધનથી પ્રાપ્ત નહિ થાય. જો આત્મ પ્રાપ્તિની ઈચ્છા હોય તો આત્માના અવાજને સાંભળો.
૧૮. આત્મધન
રાંકા સ્ત્રી ભગત, બાંકા પુરૂષ ભગત પૂર્વના આરાધક જીવો. એક નાના ખોરડામાં રહે. નિરંતર પ્રભુભજન એજ તેમનું જીવન જંગલમાંથી લાકડીઓ લાવવી તેમાંથી ગુજરાન નભાવવું. તેમાં કોઈ ખેદ નહિ. કારણ તેમની પાસે આત્માધન અને પ્રભુભજનની સંપત્તિ હતી. એક જ લગની પ્રભુદર્શનની બીજી ઈચ્છા જ ઉભવે નહિ એવી સખત પાળ બાંધી હતી. એ આત્મબળ હતું. પ્રભુપરાયણતા હતી. ત્યાં ઈચ્છાનું મૃત્યુ હતું. આ એક ચમત્કૃતિ હતી ને?
આવી ચમત્કૃતિ જોઈ કોઈ દેવ આશ્ચર્ય પામ્યો, આ દંપતિને જંગલમાં લાકડીઓ લેવા જવાનો રોજનો એક જ માર્ગ હતો. દેવે
સત્ત્વશીલ-તત્ત્વમય પ્રસંગો
૪૦
