________________
कल्पान्तर्वाच्यः ]
नेमिनाथचरितम पुव्वंपि मए दिलै जरासंधस्स संगरे पगामं । कोउहलमत्थि महं बाहुबल-पिक्खणे वच्छ!॥७१७॥ सो परिगर-बंधजुओ जाओ जा जिणवरो वि चिंतेइ। पयइ-दयावरो पहून समत्थो एस मह पुरओ।।७१८॥ मह बाहुणाऽऽक्कमेण वा अकंतो कह हविस्सइ कण्हो। ता जह न जाइऽणत्थं मह-भुय-थाम वियाणेइ ।। ७१६॥ तह कज्जं कायव्वं वियारिऊणं च भणइ जिणचंदो। हे नारायण! भाउय! कह जुत्तं तुह समं मज्झं।।७२०॥ पागय-जण-जुद्धमिणं नियभुज-नमणेण किज्जइ परिक्खं । तो कण्हेणं बाहा पलंबिया तक्खणेणं च॥७२१ ।। तं वालेइ जिणंदो पउम-नालुव्व लंबिया सबाहा । कण्हो सव्व-बलेणं नामेइ सा पुणो न नमइ ।।७२२ ॥ तो सिरि-नेमि-जिणेणं पायव-साहाए मक्कडुव्व तया। अंदोलिओ हरिसो कुतूहला संकिओ हियए।७२३॥ कण्हो भणेइ रामं एवं बलो किं न साहए भरहं । भणइ बलो संति मुत्ती पसण्ण-वयणो समत्थोऽवि ॥७२४ ।। तो वि ससङ्को कण्हो वसंतसमये समग्ग-थी-जुत्तो। खिल्लइ खडोखलीए सद्धिं सिरिनेमिनाहेणं ।। ७२५॥ नेमि विवाह-कज्जे मण्णावेहत्ति सिक्खवित्ताणं । निय-अंगणाओ कण्हो झत्ति गओ रज्ज-मज्झमि ।।७२६॥ राई-रुप्पिणि-भामा पमुहा कलंती नेमिणा सद्धिं । सिंगीजलेहिं सामी सिंहासणेयं निवेसंति॥७२७॥ किं देवर! कीवोऽसि अहवा अदक्खो व नीरसो वाऽसि । कहसु तुमं अम्हाणं थी-निव्वाहाओ वा भग्गो।।७२८॥ तुह भाया अम्हाणं जह चिंता कुणइ तह तुह वहुस्स। नूणं करिस्सइ हरी नो चिंता काऽवि कायव्वा ।।७२६॥ पत्तिं विणा य कालं गमेसि तमरण्ण-कुसुममिव सव्वं । जाणाहि निष्फलं पहू इच्चाइ बहु भणंति तया॥७३०॥
