________________
१४ 1 मेघकुमारकथा
[कल्पान्तर्वाच्यः एरावण-नामेण सो तवसी तस्स वाहणं जायं। जाणह भविया! सुद्धासुद्धधम्मस्स फलमेयं ।। १५३ ॥ दो सीसो जाओ तह इंदो तह ति-सीस तह इंदो। तो इंदेणं णाओ हक्किओ सो नमइ भीओ।। १५४ ॥
नमुत्थु णं अरिहंताणं भगवंताणं आइगराणं तित्थयराणं सयंसंबुद्धाणं पुरिसुत्तमाणं पुरिससीहाणं पुरिसवरपुंडरीआणं पुरिसवरगंधहत्थीणं लोगुत्तमाणं लोगनाहाणं लोगहिआणं लोगपईवाणं लोगपज्जोअगराणं अभयदयाणं चक्खुदयाणं मग्गदयाणं सरणदयाणं जीवदयाणं बोहिदयाणं धम्मदयाणं धम्मदेसयाणं धम्मनायगाणं धम्मसारहीणं धम्मवरचाउरंत-चक्कवट्टीणं, दीवो ताणं सरणं गई पइट्ठा अप्पडिहयवर-नाण-दसणधराणं विअट्ट-छउमाणं जिणाणं जावयाणं तिण्णाणं तारयाणं बुद्धाणं बोहयाणं मुत्ताणं मोअगाणं सव्वण्णूणं सव्वदरिसीणं, सिव-मयल-मरुअ-मणंत-मक्खय-मव्वाबाह-मपुणरावित्तिसिद्धिगइ-नामधेयं ठाणं संपत्ताणं नमो जिणाणं जिअभयाणं। नमुत्थु णं समणस्स भगवओ महावीरस्स आइगरस्स चरमतित्थयरस्स पुवतित्थयरनिद्दिठ्ठस्स जाव संपाविउ-कामस्स। वंदामि णं भगवंतं तत्थगयं इह गए पासउ मे भगवं तत्थ गए इह गयं ति कटु समणं भगवं महावीरं वंदइ नमसइ, वंदित्ता नमंसित्ता सीहासणवरंसि पुरत्थाभिमुहे सण्णिसण्णे। तए णं तस्स सक्कस्स देविंदस्स देवरण्णो अयमेयारूवे अब्भत्थिए चिंतए पत्थिए मणोगए संकप्पे समुप्पज्जित्था॥ सूत्र १५॥
अह अण्णया कयाइ रायगिह-गुणसिलये महावीरो। संपत्तो जिणनाहो भविय-जण-विबोहणट्ठाए॥१५५॥ वंदइ सेणिय-पमुहो सेणियनरनाह-धारिणी-पुत्तो।। सुच्चा मेहकुमारो समागओ सामि-नमणत्थं ॥१५६ ॥ भयवं कहेइ धम्मं मेहाइ-भव्व-बोहणट्ठाए। धम्मं सुच्चा मेहो पडिबुद्धो तक्खणं चेव ।। १५७ ।। उज्झित्ता अट्ठ पिया धण-कणग-सयण-पमुह-संबंधं । निक्खंतो जिण-पासे समप्पिओ तेण थेराणं ॥ १५८ ॥
