________________
५२.
रायपसेणियसुत्त
इमेयारूवे अब्भथिए चिंतिए पथिए मोगए संकप्पे समुपजित्था-" किं मे पुब्धि करणिज ?, किं मे पच्छा करणिज्ज ? कि मे पुबि सेयं ? किं मे पच्छा सेयं ? किं मे पुविपि पच्छावि हियाए सुहाए खमाए निस्सेसाए अणुगामियत्ताए भविस्सइ? " । तए णं तस्स सूरियाभस्स देवस्स सामाणियपरिसाववन्नगा देवा सूरियाभस्स देवस्स इमेयारूवमभत्थियं जाव समुप्पन्नं समभिजाणित्ता जेणेव सूरियाभे देवे तेणेव उवागच्छन्ति । सूरियाभं देवं करयलपरिग्गहियं सिरसावत्तं मत्थए अंजलिं कटु जएणं विजएणं वद्धावेन्ति । वद्धावित्ता एवं वयासी–“एवं खलु देवाणुप्पियाणं सूरियाभे विमाणे सिद्धायतणंसि जिणपडिमाणं जिगुस्सेहपमाणमित्ताणं अट्ठसयं संनिक्खित्तं चिटुंति । सभाए णं सुहम्माए माणवए चेइए खंभे वइरामएसु गोलवट्टसमुग्गएसु बहूओ जिणसकहाओ संनिश्वित्ताओ चिट्ठति । ताओ णं देवाणुप्पियाणं अण्णेसिं च बहूणं वेमाणियाणं देवाण य देवीण य अच्चणिजाओ जाव पज्जुवासणिजाओ । तं एयं णं देवाणुप्पियाणं पुधि करणिज्जं, तं एयं णं देवाणुप्पियाणं पच्छा करणिज्जं, तं एयं णं देवाणुपियाणं पुधि सेयं, तं एयं णं देवाणुपियाणं पच्छा सेयं, तं एयं णं देवाणुप्पियाणं पुविपि पच्छावि हियाएः सुहाए खमाए निस्सेसाए अणुगामियत्ताए भविस्सइ”।
४२ तए णं से सूरियाभे देवे तेसिं सामाणियपरिसोववनगाणं देवाणं अंतिए एयमढे सोच्चा निसम्म हट्टतुट्ठ जाव हयहियए सयणिजाओ अब्भुट्टेड । सयणिजाओ अब्भुत्ता उववायसहाए पुरच्छिमिल्लेणं दारेणं निग्गच्छइ । जेणेव हरए तेणेव उवागच्छइ । २ हरयं अणुपयाहिणी करेमाणे करेमाणे
