________________
रायपसेणियसुत्त
रययामयकूलाओ समतीराओ रययामयपासाणाओ तवणिजतलाओ सुवण्णसुब्भरययवालुयाओ - वेरुलियमणिफालियपडलपञ्चोयडाओ सुओयारसुउत्ताराओ नाणामणिसुबद्धाओ चउकोणाओ अगुपुवसुजायगंभीरसीयलजलाओ संछन्नपत्तभिसमुणालीओ बहुउप्पलकुमुयनलिणसुभगोगंधिय पोंडरीयसयवत्तसहस्सपत्तकेसरफुल्लोवचियाओ छप्पयपरिभुजमाणकमलाओ अच्छविमलसलिलपुण्णाओ अप्पेगइयाओ आसवोयगाओ, अप्पेगइयाओ खेोरोयगाओ, अप्पेगइयाओ घओयगाओ, अप्पेगइयाओ खीरोयगाओ, अप्पेगइयाओ, खारोयगाओ, अप्पेगइयाओ उयगरसेण पण्णत्ता पासादीया दरिसणिजा अभिरूवा पडिरूवा । तासिं णं वावीणं जाव बिलपंतीणं पत्तेयं २ चउदिसिं चत्तारि तिसेवाणपडिरूवगा पन्नत्ता। तेसिं णं तिसावाणपडिरूवगाणं वण्णओ, तोरणाणं झया छत्ताइच्छत्ता य नेयव्वा। तासुं गं खुड्डाखुड्डियासु वावीसु जाव बिलपंतियासु तत्थ २ देसे बहवे उप्पायपव्वयगा नियइपव्वयगा जगइपव्वयगा दारुइ. जपब्वयगा दगमंडवा दगणालगा दगमंचगा उसड्डा खुड्डखुड्डगा अंदालगा पक्खदालगा सव्वरयणामया अच्छा जाव पडिरूवा। तेलु णे उप्पायपन्वएसु जाव पक्खंदोलएसु बहूई हसासणाई कांचासणाई गरुलासणाई उण्णयासणाई पणयासणाई दीहासणाई पक्खासणाई भदासणाई उसहासणाई सीहासणाई पउमासणाई दिसासेवित्थियासणाई सव्वरयणामयाइं अच्छाई जाव पडिरूवाई। तेलु णं वणसंडेसु तत्थ तत्थ तहि तहिं देसे देसे बहवे आलिघरगा मालियघरगा कयलिघरगा लयाघरगा अच्छणघरगा पिच्छणघरगा मंडणघरगा पसाहणघरगा गब्भघरगा मोहणघरगा सालघरगा जालघरगा चित्तघरगा कुस्तुमघरगा गंधघरगा
