________________
રામાયણમાં સંસ્કૃતિનો સંદેશ” ચંદ્રલોક ઉપર જવા માટે ઉડ્યું તે પૂર્વે એની પાછળ કેટલી સાધના (પુરુષાર્થ) કરવી પડી હતી તે તમે જાણો છો?
વીસ હજાર કંપનીઓને એના ૭૦ લાખ “સ્પેરપાર્ટસ બનાવવાના ઑર્ડરો અપાયા હતા. અને એ સીત્તેર લાખ “સ્પેરપાર્ટ્સ” એક ધારા સાત વર્ષ સુધી રાત પાળીઓ કામ કરીને તૈયાર કરવામાં આવ્યા હતા. વિચાર કરો કે એપોલો–૧૧ ઉડાડવાની સિદ્ધિ મેળવવા વૈજ્ઞાનિકોને કેવો જંગી પુરુષાર્થ ખેલવો પડ્યો હતો!
નાની યા મોટી દરેક સિદ્ધિની પાછળ જબરદસ્ત સાધના (પુરુષાર્થ) પડેલી હોય છે. સાધના વગર સિદ્ધિ લાધતી જ નથી.
મુદ્રિત પ્રવચન પાછળ પણ પુરુષાર્થ | દોઢ કલાક સુધી તમે જે પ્રવચન સાંભળો છો તેનું અવતરણ થઈને, છપાઈને દર આગામી રવિવારે, તેની આકર્ષક પુક્તિકાઓ તમારા હાથમાં આવી જાય છે. પણ તેની પાછળ કેટલો પુરુષાર્થ કરવામાં આવે છે તે તમે જાણો છો ?
રાત્રે બધા કુટુંબીજનોને ભેગા કરીને આ પ્રવચનો ઉપર ચિંતન, મનન ન કરો તો આ બધી મહેનત તમારા માટે તો વ્યર્થ જ જાય ને? એવું ન બને એની કાળજી તમારે કરવાની છે.
રેડિયમની શોધ પાછળ પણ પરિશ્રમ | મૅડમ ક્યુરી નામની એક અંગ્રેજ બાઈ થઈ ગઈ. જેણે “રેડિયમની શોધ કરી હતી. પોતાના બિમાર પતિની વર્ષો સુધી સેવા કરતાં કરતાં, ધોધમાર વરસાદના તોફાનોમાં ય અવિરતપણે તે લોખંડનું ઓર બાળવાનું કામ કરતી અને એ રીતે અઢળક લોખંડ બાળ્યા બાદ જ્યારે તેને “રેડિયમ” પ્રાપ્ત થયું ત્યારે તે આનંદથી નાચી ઊઠી હતી.
મોજમજાથી સિદ્ધિ? અસંભવ
જે આત્માનું અને માનવ-જીવનનું અહિત જ કરનારી બની રહે છે એવી વૈજ્ઞાનિકોની ભૌતિક સિદ્ધિઓ મેળવવા માટે પણ જે ભારે પુરુષાર્થ કરવો પડે તો આધ્યાત્મિક જગતની પ્રશસ્ત સિદ્ધિઓ મેળવવા ખાતર કેવો ભવ્ય અને ભગીરથ પુરુષાર્થ કરવો પડે તેની ત્રિરાશિ તમે જ માંડી લેજો.
આજે કોઈને સાધના કરવી નથી અને સિદ્ધિઓ મેળવી લેવી છે. એ શો રીતે બને? સોફાસેટ ઉપર બેઠાં બેઠાં, ચિરૂટ ફૂંકતાં ફૂંકતાં, કોકા કોલા કે ફેન્ટા પીતાં
