Page Text
________________
રામાયણમાં સંસ્કૃતિને સંદેશ
૨૫૩
અંજનાના આંસુ સુકાતા નથી. એના આક્રંદને કોઈ પાર નથી. છતાં એ કોઈને દોષ દેતી નથી. સર્વનું શુભ વાંછતી એ આગળ વધી રહી છે. વસંતનું આશ્વાસન
વસંતા એને સાંત્વન આપતા કહે છે : “અંજના ! ચાલ...ચાલ. આપણે દૂર ચાલ્યા જઈએ. જો ને..આ જંગલ કેવું મજાનું છે ! માનવજાત દશે દેશે પણ આ કલકલ વહી જતી નદીના નીર અને આકાશમાં ઊડતા આ પંખીડા કદી દગો નહિ દે. આ ધરતી પગ નીચેથી કદી સરકી નહિ જાય. અને આ આભ કદી આકાશ ઉપરથી તૂટી નહિ પડે. આ તરણાંને ભેગા કરીને તેની ઝુંપડી બનાવીને મોજથી રહીશું. તું ચિંતા ન કર. જો હું તારી સાથે જ છું. સ્વાર્થી માનવોએ આપણને ભલે છોડી દીધા આ નિર્દોષ હરણિયાં આપને નહિ છોડે. આપણું પુણ્ય સારું આવશે ત્યારે આપણને કોઈ જાકારો નહિ આપે.”
વસંતાના શબ્દોથી કાંઈક શાતા પામતી અંજના ફરતી ફરતી એક ગુફા પાસે આવે છે. ગુફામાં પ્રવેશતાં જ ધ્યાન ધરતાં એક મુનિને તેણીએ જોયાં. અમિતગતિ નામના તે ચારણ મુનિને જોતાં જ ખુશખુશ થઈ ગયેલી એ બન્ને સખીઓએ નમસ્કાર કર્યા અને વિનયપૂર્વક તેમની સાખ બેઠી. ધ્યાન પૂરું થતાં મધુરા વચને મુનિએ “ધર્મલાભની આશિષ આપી. મહાત્માને મેળાપ
વસતાએ જ્યારે અંજનાના ભાગ્યની આ અવદશાનું કારણ પૂછયું ત્યારે મુનિએ અંજનાને પૂર્વભવ જણાવ્યો. તે ભવમાં કરેલા પાપના કરણે આ કટ ફળો એને ભોગવવા પડ્યા છે. પરંતુ હવે તે દુ:ખને અંત નઝ્મદિકમાં જ છે. અંજનાના મામા વગેરે અકસ્માત આવીને તમને લઈ જશે. અને ટૂંક સમયમાં તેનો પતિ સાથે મેળાપ પણ થશે. હવે તમે કલ્યાણકારી જિનધર્મ સ્વીકારો.”
બને સખીઓએ મુનિની વાત સ્વીકારી. ત્યાર બાદ ચારણમુનિ ત્યાંથી જતા રહ્યા અને અંજના અને વસંતા એ જ ગુફામાં રહ્યા. ત્યાં મુનિસુવ્રતસ્વામીની જિનપ્રતિમા બનાવી રોજ તેનું પૂજન કરવા લાગી. હનુમાનને જન્મ
એક દિવસ અંજનાએ સિંહ જેવા પરાક્રમી પુત્રને જન્મ આપ્યો. વસંતાએ તેનું ઉચિત ક. બાળકના જન્મથી આનંદિત છતાં અંજના રડવા લાગી : “હે પુત્ર ! તારો આ ઘોર વનમાં જન્મ થયો. એટલે હવે તારો જન્મોત્સવ શી રીતે કરું?”
આ રીતે રડતી અંજનાને, યોગાનુયોગ ત્યાંથી પસાર થતાં વિદ્યાધર પ્રતિસુ જોઈ અને તેના દુ:ખનું કારણ પૂ. વસંતાએ બધી વાત કરતાં પ્રતિસૂર્ય અંજનાના મામા છે તે વાત પ્રગટ થઈ. પ્રતિસૂર્ય બને સખીઓ અને નાના બાળકને લઈને પોતાના નગરે લઈ ગયો. જન્મતાં જ આ બાળક હજુપુર નગરમાં આવ્યો માટે તેનું નામ હનુમાન પાડયું. પવનંજ્યને આઘાત
આ બાજુ...પવનંજયે યુદ્ધમાંથી પાછા ફર્યો. આવીને માતાપિતાને પ્રણામ
| SR No. | 023050 |
| Book Title | Ramayanma Sanskritino Sandesh Part 01 |
| Original Sutra Author | N/A |
| Author | Chandrashekharvijay, Bhanuchandravijay |
| Publisher | Kamal Prakashan Trust |
| Publication Year | 1977 |
| Total Pages | 316 |
| Language | Gujarati |
| Classification | Book_Gujarati |
| File Size | 18 MB |