Page Text
________________
રામાયણમાં સંસ્કૃતિનો સંદેશ”
૧૬૯
બોલું છું એ હકીકત છે. બધા જ ધર્મરક્ષકોએ આ વિષયમાં બોલવું જોઈએ અને પ્રજાને માર્ગદર્શન આપવું જોઈએ એમ હું માનું છું.”
મારે કોઈક વાર રાજકારણી માણસો સાથે ય આ બાબતમાં મોટી ચકમક ઝરી ગઈ છે. સંસ્કૃતિ નાશ દ્વારા પ્રજાનો કેવી ભેદી રીતે નાશ કરાઈ રહ્યો છે અને એમાં મેકોલેનું આ શિક્ષણ કેટલા મોટા અંશમાં જવાબદાર છે આ બધી વાતો મેં તેઓને સમજાવી હતી. એ માણસોએ આ વાતો તે સમયે નહોતી સ્વીકારી, પણ આજે એ જ રાજકારણીઓ છાપાઓ દ્વારા બોલે છે કે, “અંગ્રેજોએ સ્થાપેલી શિક્ષણ પદ્ધતિ વગેરેથી પ્રજાને પારાવાર નુક્સાન થઈ ચૂક્યું છે.”
આથી જ હું કહું છું જેનું પુણ્યબળ હોય અને શક્તિ હોય તેણે આ વિષયમાં કહેવું તો જોઈએ જ.
શું રબારીનો છોકરો હોનારત ન અટકાવી શકે ?
ધારો કે સો કિલોમીટરની સ્પીડે કાળ વેગે ધસમસતો રાજધાની એક્ષપ્રેસ આવી રહ્યો છે. અને એ વખતે કોઈ નક્ષલીસ્ટ માણસે પાટામાંથી અમુક ભાગ ઉખેડીને દૂર ફેંકી દીધો છે. તે વખતે ફાટકનો સાંધાવાળો માણસ આજુબાજુ કોઈ ગામે ગયો છે અથવા બીજા જ અગત્યના કાર્યમાં રોકાઈ જવાની તેને ફરજ પડી છે.
હવે શું કરવું? સદ્ભાગ્યે પાટાની બાજુમાં જ ગાડરોને ચરાવવા આવેલો એક રબારીને છોકરો ઊભો છે. માથે લાલ ફાળિયું છે અને હાથમાં કડિયાળી -ડાંગ છે.
એણે પરિસ્થિતિની ભયાનકતા માપી લીધી. જે લાલ સિગ્નલ આપવામાં ન આવે તો મોટી હોનારત સર્જાઈ જાય તેમ છે. તેનું પરિણામ પણ ભયંકર આવે. અલબત્ત, સિગ્નલ આપવા માટે એ રબારીના છોકરાનો કોઈ અધિકાર નથી. એની પાસે સત્તા ય નથી. અને સરકાર માન્ય લાલ ઝંડો પણ નથી. પણ પરિસ્થિતિની ગંભીરતા માપી લઈને “હાજર સો હથિયાર” એ ઉક્તિ પ્રમાણે એણે પેલી કડિયાળી ડાંગમાં પોતાના માથેથી લાલ ફાળિયું કાઢીને લગાવી દીધું અને ગાડરોને પડતા મૂકીને દૂરથી આવતી રાજધાની એક્ષપ્રેસ તરફ જઈ ઊભો. લાલ ફાળિયાવાળી ડાંગ ઊંચી કરીને એ એનિજન–ડ્રાઈવરને સિગ્નલ આપવા લાગ્યો. ડ્રાઈવરે દૂરથી ફરકતું લાલ કપડું જોઈ લીધું. અને એન્જિનને બ્રેક મારીને અટકાવી દીધી. રબારીની સાવ પાસે જ આવી જઈને ટ્રેઈન અટકી ગઈ. અને મોટી હોનારતમાંથી સહુ ઉગરી ગયા.
શું આવી પળે એજીન ડ્રાઈવર પેલા રબારીને તતડાવતો એમ કદી કહે ખરો
| SR No. | 023050 |
| Book Title | Ramayanma Sanskritino Sandesh Part 01 |
| Original Sutra Author | N/A |
| Author | Chandrashekharvijay, Bhanuchandravijay |
| Publisher | Kamal Prakashan Trust |
| Publication Year | 1977 |
| Total Pages | 316 |
| Language | Gujarati |
| Classification | Book_Gujarati |
| File Size | 18 MB |