________________
અનાદિ કાળના મિથ્યાત્વનો ત્યાગ કરી તું ભાવ સમ્યકત્વને પામ્યો. હવે એ ભાવને તારે પ્રવૃત્તિમાં લગાવવાનો છે તેથી દેશવિરતિનો નિર્દેશ પાંચમા ગુણસ્થાનકે બતાવ્યો. સંયમના ગુણસ્થાનકે પ્રાપ્ત થયેલા એવા સર્વવિરતિધર આત્માની બે અવસ્થા બતાવી, પ્રમત્ત અને અપ્રમત્ત બતાવવા દ્વારા જણાવવામાં આવે છે કે અનાદિકાલીન સંસ્કારોને કારણે પ્રમાદ સેવાતો હોય તો પણ તુ જાગ્રત થા. પ્રયત્ન કર, પુરુષાર્થ કર, પ્રયત્ન અને પુરુષાર્થ દ્વારા તું અપ્રમત્તભાવને પામ.
આ રીતે અપ્રમત્તભાવને પામેલો આત્મા આગળ ગુણસ્થાનકોને પ્રાપ્ત કરી ઘાતી કર્મોનો ક્ષય કરી કેવળજ્ઞાન અને કેવળદર્શન પામે છે. કેવળજ્ઞાન અને કેવળદર્શન પામી ઉત્કૃષ્ટથી દેશોનપૂર્વક્રોડ વર્ષ સુધી વિચરી અને બાકી રહેલા સર્વ અઘાતી કર્મોનો ક્ષય કરી અને શાશ્વત સ્થાનને પામે છે.
આ બીજા કર્મગ્રન્થ દ્વારા જીવે મોક્ષ પ્રાપ્તિ કેમ કરવી તેનો અમોઘ ઉપાય બનાવ્યો છે.
વીરપ્રભુની સ્તુતિ દ્વારા કર્મોની પ્રક્રિયા આવી વિશિષ્ટ કોટીએ બતાવવી એ એક આશ્ચર્યજનક વાત લાગે છે.
કર્મો અને કર્મોનું બંધ-ઉદય-ઉદીરણા અને સત્તાનું સ્વરૂપ દેખાડીને ખરેખર જ અનંત ઉપકારી તીર્થકર ભગવંતોએ અને પૂર્વાચાર્યોએ આપણી ઉપર અનંતો ઉપકાર કર્યો છે.
કર્મગ્રન્ય અભ્યાસ દ્વારા કર્મનો ક્ષય કરી જીવો આત્મકલ્યાણ સાધે એવી શુભકામના સાથે..
લી. એસ.પી.એપાર્ટમેન્ટ,
સાહિત્યકલારત્ન પ. પૂ. આચાર્ય ભગવંત તીનબત્તી, વાલકેશ્વર,
શ્રી યશોદેવસૂરીશ્વરજી મ.સા. ના શિષ્યરત્ન મુંબઈ.
મુનિરાજશ્રી જયભદ્રવિજય મ.સા.
