________________
આ ગ્રંથનું લખાણ તૈયાર થયા પછી પણ જલ્દીથી પ્રકાશિત થાય તે માટે પૂ. સ્નેહલતાશ્રીજી મ.સા. તથા પૂ. યશોધર્માશ્રીજી મ.ના ઉપદેશથી મહદ્અંશે આર્થિક સહકાર શ્રી ચિંતામણિ જે. મૂ. સંઘ સંઘાણી એસ્ટેટઘાટકોપરનો મળવાથી તેમજ અન્ય પૂજયોના ઉપદેશથી સહકાર મળવાથી આ ગ્રંથ પ્રકાશિત થઈ રહેલ છે. તેથી પ્રેરણા કરનારા તે પૂજ્યોનો અત્યંત આભારી છું.
આ ગ્રંથને પ્રકાશિત કરવામાં પ્રકાશન અંગેની અન્ય વ્યવસ્થા પૂ. પૂર્ણચંદ્રસાગરજી મ. સાહેબના ઉપદેશથી આગમોદ્ધારક સંસ્થાએ સ્વીકારી હોવાથી ગ્રંથ પ્રકાશિત કરવામાં સુલભતા પ્રાપ્ત થઈ છે. તેથી પૂજ્યશ્રીને અને સંસ્થાનો આભારી છું.
કર્મ સાહિત્યનું અધ્યયન અને ચિંતવન શ્રાવકવર્ગ - ગૃહસ્થવર્ગ પણ કરી શકે તે રીતે આ ગ્રંથ તૈયાર કરવામાં આવેલ છે. તો શ્રાવકશ્રાવિકાવર્ગ પણ આ ગ્રંથ ભણે તેવી ખાસ અપેક્ષા છે.
આ રીતે આ પુસ્તકનું લખાણ તૈયાર કરવામાં, આર્થિક સહકારમાં અને પ્રકાશન કરવામાં જે કોઈને પ્રત્યક્ષ કે પરોક્ષ સહકાર પ્રાપ્ત થયો છે. તે સર્વનો આ ક્ષણે અંતઃકરણ પૂર્વક ઉપકાર અને આભાર વ્યક્ત કરું છું.
આ ગ્રંથના લખાણમાં જિનાજ્ઞા વિરૂદ્ધ થયેલ ક્ષતિની ક્ષમા યાચના પૂર્વક અભ્યાસકવર્ગને તે ક્ષતિ તરફ સંપાદકનું ધ્યાન દોરવા અથવા કંઈ પણ સુધારો-વધારો કરવા જેવું જણાય તો તે જણાવવા આગ્રહપૂર્વક વિનંતિ છે. सुज्ञेषु किं बहुना
૩૦૧, કુમુદચંદ્ર કૃપા, સોની ફળીયા, હિન્દુમિલન મંદિર પાસે, સુરત. વીર સં. ૨૫૩૦. વિ. સં. ૨૦૬૦ અ. સુ. ૩
રસિકલાલ શાન્તિલાલ મહેતા
