________________
૧૮૭
મૂળ ગાથાઓ
रवि - बिंबे उ जीअंगं, ताव- जुअं आयवाउ, न उ जलणे । जमुसिण- फासस्स तहिं, लोहिअवण्णस्स उदउत्ति ।। ४५ ।। अणुसिणपयासरुवं, जीअंगमुज्जोअए इहुज्जोआ । जइदेवुत्तरविक्किअ - जोइसखज्जोअमाइव्व ।। ४६ ।।
अंगं न गुरु न लहुअं, जायइ जीवस्स अगुरुलहु उदया । तित्थेण तिहुअणस्स वि, पुज्जो से उदओ केवलिणो ।। ४७ ।। अंगोवंगनियमणं, निम्माणं कुणइ सुत्तहारसमं । उवघाया उवहम्मइ, सतणुवयवलंबिगाईहिं ।। ४८ ।। बि-ति-चउ-पणिंदिअ तसा, बायरओ बायरा जीया थूला । निय - निय-पज्जत्तिजुआ, पज्जत्ता लद्धिकरणेहिं ।। ४९ ।। पत्तेअतणू पत्ते उदएणं दंत - अट्टिमाइ थिरं । नाभुवरि सिराइ सुहं, सुभगाओ सव्वजणइट्ठो ।। ५० ।। सुसरा महुरसुहझुणी, आइज्जा सव्वलोअगिज्झवओ । जसओ जसकित्तीओ, थावरदसगं विवज्जत्थं ।। ५२ ।।
गोअं दुहुच्च-नीअं, कुलाल इव सुघड- भुंभला इअं । विग्धं दाणे लाभे, भोगुवभोगेसु विरिए अ ।। ५२ ।। सिरिहरियसमं एयं, जह पडिकूलेण तेण रायाई । न कुणइ दाणाइयं, एवं विग्घेण जीवो वि ।। ५३ ।। पडिणीयत्तण- निन्हव-उवघाय-पओस - अंतराएणं । अच्चासायणयाए, आवरणदुगं जीओ जयइ ॥ ५४ ॥ गुरु-भत्ति खंति - करुणा, वय-जोग- कसाय - विजय - दाण- जुओ । दढधम्माई - अज्जइ, सायमसायं विवज्जयओ ।। ५५ ।।
