________________
॥ श्रीशंखेश्वरपार्श्वनाथाय नमः ॥
આમુખ. પૂજ્યપાદ પ્રાતઃ સ્મરણીય મારા અનંત ઉપકારી ગુરુદેવ મુનિરાજશ્રી ૧૦૦૮ ભુવનવિજયજી મહારાજની પવિત્ર છત્રછાયામાં ગતવર્ષે સં. ૨૦૧૪માં ઝીંઝુવાડામાં ચતુર્માસમાં શ્રીમફતલાલ સંઘવીનું નમસ્કાર મહામંત્ર વિષે અંગ્રેજી લખાણ મારા જેવામાં આવ્યું હતું. આ વર્ષે પરમ પૂજ્ય પરમગુરુવર્ય સંઘસ્થવિર શાંત તપમૂર્તિ દીર્ઘતપસ્વી સુગ્રહીતનામધેય આચાર્યદેવ શ્રીમદ્ વિજય સિદ્ધિસૂરીશ્વરજી દાદા આદિની પાવની છત્રછાયામાં અમદાવાદના ચતુર્માસમાં નમસ્કાર નિષ્ઠા વિષેનું પ્રસ્તુત ગુજરાતી લખાણ જોવામાં આવ્યું. લેખકનું લખાણ જોતાં તેમાં નમસ્કાર ઉપર પુષ્કળ ભક્તિભાવ ભરેલો સ્પષ્ટ જણાઈ આવે છે. ભક્તિ એ મુક્તિનું પરમ અંગ છે. કારણ કે પરમાત્મા ઉપરની ખરેખર ભક્તિ એ વિભક્તિને એટલે પરમાત્મા અને આપણું આત્મા વચ્ચે પડેલા વિભાગને-અંતરને દૂર કરીને પરમાત્મા સાથે આપણી શાશ્વત એકરૂપતા સિદ્ધ કરી આપે છે. પંચપરમેઝિનમસ્કાર રેમ રેમમાં ઓતપ્રેત થઈ જાય એ માટે સાધકના હૃદયમાં ભક્તિપૂર્વક નમસ્કાર નિષ્ઠા હોય એ અત્યંત જરૂરી છે અને એ ઉદ્દેશથી લેખકે પ્રયત્ન કરેલ છે તેથી તે તુત્ય છે.
માનવજીવનમાં મંત્રનું સ્થાન ઘણું જ મહત્ત્વનું છે. આધ્યાત્મિક, આધિભૌતિક તથા આધિદૈવિક, એવા ત્રણ
