________________
૧૦૦
શ્રીનમસ્કાર નિષ્ઠા ચરી પાળવી, વગેરે પૂછવા માટે પણ તેને વૈદ્ય-દાતર પાસે જવું જ પડે છે. તે જ રીતે નવકારની અંતરમાં આદરપૂર્વક સ્થાપના કરવાની વિધિ સારી રીતે જાણી લેવા માટે સુગુરુનું શરણું અનિવાર્ય ગણાય. ગુરુ પણ, આ સંસારના જોરદાર પ્રવાહમાં સામે પૂરે તરતા હોય તેવા જોઈએ, નહિ કે તેમાં ખેંચાતા અને ડૂબકીઓ ખાતા હોય તેવા. - શરીરમાં જ્યાં સુધી રેગ હોય ત્યાં સુધી દવા લેવી જ પડે તે રીતે જ્યાં સુધી આપણે આત્મા સંપૂર્ણ નિર્મળ ન બને–સર્વથા કર્મ મુક્ત ન બને, ત્યાં સુધી શરીર સ્વસ્થ છતાં આપણે સહુ રોગી જ ગણાઈએ. આત્મા ઉપર કર્મને મહાવ્યાધિ સર્વથા દૂર કરવા માટે, ભાવરોગનું નિવારણ કરવા માટે સંસારના નાના-મોટા સહુ માનવોએ નવકારનું સેવન કરવું જ જોઈએ. તે સેવનવિધિ ઉત્તમ પ્રકારના સુગુરુ પાસેથી શીખ જ જોઈએ.
નવકારના જાપથી શરીરમાં જે ઉષ્મા–પ્રભા પ્રગટ થાય છે, તેની અસર આપણને બહારના સાધન વડે સ્મૃતિ ટકાવી રાખવાની પરાધીન વૃત્તિમાંથી મુક્ત કરાવે છે. નવકારના અક્ષરો જેમ જેમ અંતરમાં ઊંડે ઊતરતા જાય છે, તેમ તેમ મન અને ઈન્દ્રિયેનું બહિર્ભમ્રણ ઘટવા માંડે છે, તેમને પણ અંદરની સુખશાંતિની ગોદમાં લપાઈને બેસી રહેવાની સતત ઝંખના થયા કરે છે. પરંતુ બહારથી સુખ શોધવાના ઘર કરી ગએલા જડ સંસ્કારના પ્રભાવે આપણું વલણ જેટલું આંતરિક દિશામાં રહેવું જોઈએ તેટલું રહેતું
