________________
પ્રકાશકનું નિવેદન
વર્તમાન યુગમાં લેકોના જીવનમાં સાત્વિકતા, સુવિચાર અને સદવર્તનનું સર્જન કરે, ક્ષમા, નમ્રતા, સ્નેહભાવ, પરોપકાર, કૃતજ્ઞતા, આસ્તિકતા વિગેરે દૈવી ગુણ કેળવવાની તાલાવેલી જગાડે, એવા વિશિષ્ટ સાહિત્યની ઘણી જરૂરિયાત છે. એથીયે આગળ વધીને કહીએ તે લેક જીવનમાં પરમાત્મપ્રેમ-ભક્તિ, સાધુસેવા, દયાભાવ અને તત્વજ્ઞાન પ્રત્યે વિશેષ અભિરુચિ જાગૃત થાય તેવું વાંચન પીરસવાની ખાસ જરૂર છે.
પૂ. પંન્યાસજી મહારાજશ્રીના હાથે લખાયેલ લખાણ તત્વપ્રેમી આત્માઓ માટે અતીવ ઉપકારી બને તેવું છે. તેઓશ્રીના લખાણમાં પાને પાને અને વાકયે વાકયે શાસ્ત્ર, યુક્તિ અને અનુભવપૂર્ણ અપૂર્વ તત્ત્વચિંતન પીરસવામાં આવ્યું હોય છે, જેનું સ્વસ્થ ચિત્તે આસ્વાદન કરવાથી આપણું જન્મજન્મની તૃષ્ણા શમી જાય છે, વિષય કષાયના ઉકળાટ શાંત થઈ જાય છે અને ચિત્ત અત્યંત પ્રસન્ન અને પવિત્ર બને છે. અનુભવસિદ્ધ એક મહાન તત્ત્વ ચિંતક મહાત્મા પુરુષની કલમે આલેખાયેલી આ વિચારધારા આપણને તત્ત્વ ચિંતનની કોઈ નવી દુનિયાનું દર્શન કરાવે છે. આપણા કલ્યાણના દ્વાર ખોલી આપે છે.
પૂ. પંન્યાસજી મહારાજ સાહેબના હાથે લખાયેલ અને સંગ્રહીત થયેલ આવું ઉત્તમ સાહિત્યને વધુને વધુ પ્રગટ કરવાનું સૌભાગ્ય અમને સદા મળતું રહે અને તે દ્વારા આપણા સૌના જીવનમાં તત્વને પ્રકાશ પથરાતે રહે અને આપણે બધા નિર્વિધન પણે મેક્ષ માર્ગમાં આગળ વધતા રહીએ એજ મંગલ મનેકામના !!!
લી. શ્રી વિમલ પ્રકાશન ટ્રસ્ટના
