________________
પૂજા, પ્રભાવના, નવકારશી આદિ બધું જ મુનિ સુભદ્રવિજયજીના સંસારી પિતાશ્રી તરફથી થયું હતું.
ચવેલીમાં પ્રતિષ્ઠા થવાની હોવાથી સંઘની આગ્રહભરી વિનતિથી પૂજ્ય આચાર્ય ભગવંતે શિષ્ય પરિવાર સાથે ધામધૂમપૂર્વક પ્રવેશ કર્યો. પં. કંચનવિજયજી આદિ ઠાણ પાંચ પણ પ્રથમથી જ આવી પહોંચ્યા હતા. તે નિમિત્તે કુમકુમ પત્રિકાઓ તૈયાર કરાવી ગામેગામ મોકલવામાં આવી. આચાર્યપ્રવરે વૈશાખ વદી ૬ ના શુભ મુહૂર્ત શ્રી વિમલનાથ સ્વામીની ભવ્ય પ્રતિમાને તખ્તનશીન કર્યા. આ પ્રસંગે બહારગામથી આવેલ મહેમાનોની સુંદર ભક્તિ કરવામાં આવી. વૈશાખ વદી ૮ ના રોજ નાણ મંડાવતાં ઘણાં સ્ત્રી પુરુષોએ બ્રહ્મચર્યાદિ વ્રત ઉચ્ચર્યા.
અહીંથી લણવા પધારી પાઠશાળા માટે ઉપદેશ આપ્યો અને પાઠશાળા સ્થાપના કરવામાં આવી, તેમજ વ્રત ઉચ્ચરાવ્યાં. અહીંથી કંથરાવી, ધાણાજ વગેરે ઠેકાણે વૈરાગ્યરસપૂર્ણ દેશનાથી શાસન પ્રભાવનાના અપૂર્વ કાર્યો કરાવતા ચાણસ્મા પધાર્યા. સંઘના અતિ આગ્રહથી મુનિ સુમતિવિજયજી ગણિ આદિ ઠાણું ૪ ને ત્યાં ચાતુર્માસ રાખ્યા.
શેઠ નગીનદાસ કરમચંદ આદિ સંગ્રહસ્થા તરફથી પાટણના ચાતુર્માસ માટે વિનતિ થતાં તેને સ્વીકાર કરી વિહાર કરી રૂપેપરની યાત્રા કરી જેઠ વદી ૬ના પૂ આચાર્યશ્રીઓ તથા
૧૦૬
