________________
ગ્રંથકાર અંગે બે બેલ લેખક : શ્રી મનસુખલાલ તારાચંદ મહેતા
ભારતના સુપ્રસિધ્ધ શતાવધાની પંડિતશ્રી ધીરજલાલ ટોકરશી શાહમાં અનેક શક્તિઓને સુમેળ થયેલ છે. ગમે તેવા અટપટા વિષયને ગ્રહણ કરવાની અદ્દભુત શક્તિ, અથાગ કાર્યશક્તિ અને અસાધારણ વ્યવસ્થાશક્તિ, એ તેમના વિશિષ્ટ ગુણે છે. આજે ચેસઠ વર્ષની ઉમરે પણ તેઓ એક યુવાનને શરમાવે તેવી રીતે કામ કરી રહ્યા છે, તે એમના આ પ્રકારના ગુણોને આભારી છે. વળી તેઓ પ્રબળ આશાવાદી છે અને અતિ દઢ મનોબળ ધરાવે છે, એટલે ગમે તેવાં કઠિન કાર્યો પણ સહેલાઈથી પાર પાડી શકે છે. - શ્રી ધીરજલાલભાઈને જન્મ સૌરાષ્ટ્ર-સુરેન્દ્રનગરની નજીક આવેલા દાણાવાડા ગામમાં તા. ૧૮ મી માર્ચ ૧૯૦૬ ના દિવસે થયો હતો. તેમના પિતાનું નામ ટોકરશીભાઈ અને માતાનું નામ મણિબહેન. શ્રી ધીરજલાલભાઈની બાલ્યાવસ્થામાં જ પિતાનું મૃત્યુ થયું હતું અને તેમના માતા મણિબહેને માતા તથા પિતા બંનેની ફરજ અદા કરી હતી. સદ્દગત મણિબહેનની પુત્ર પ્રત્યેની મમતા, લાગણી અને પ્રેમ સંબંધમાં આજે પણ વાત કરતાં શ્રી ધીરજલાલભાઈની ચક્ષુઓમાં ઝળઝળિયાં આવી જાય છે. માતાએ એકના એક પુત્રને અત્યંત કઠણ હદય કરી, પિતાથી વિખૂટો પાડી, અભ્યાસ અર્થે અમદાવાદ શેઠ ચીમનલાલ
