________________
જીવનપરાગ
૧૬૭,
ધર્મપ્રચારક મહાપુરૂષ આચાર્યપદ જેટલું મહાન છે, તેટલું જ જવાબદારીભર્યું છે. અન્ય શબ્દોમાં કહીએ તે વીતરાગ પ્રભુએ જે શાસન સ્થાપ્યું તેને યથાર્થ પણે ચલાવવાની સર્વ જવાબદારી તેમના શિર ઉપર છે. તેમણે શાસ્ત્રાભ્યાસ તથા ગુરૂ પરંપરા દ્વારા જે જ્ઞાન મેળવ્યું હોય, તેને શિષ્યસમુદાયમાં યોગ્ય રીતે વિનિયોગ કરવા ઉપરાંત તેમને વિહિત માર્ગે પ્રવર્તાવવા પડે છે અને તેમાં કંઈ શિથિલતા કે ત્રુટિ દેખાય તે તેને દૂર કરવા માટે પૂરા પ્રયત્નશીલ રહેવું પડે છે. વિશેષમાં શાસનની સામે કોઈ વિકટ પ્રશ્ના ખડા થાય તે તેનું નિરાકરણ કરવા માટે ઝઝુમવું પડે છે અને શાસનની સુંદર પ્રભાવના થાય તે માટે સતત ચિંતનક્રિયાશીલ રહેવું પડે છે.
પૂજ્યશ્રીએ આચાર્યપદની આ જવાબદારી બરાબર સમજી લીધી હતી અને તે અનુસાર પ્રવૃત્તિનું મંડાણ કર્યું હતું. ખાસ કરીને તેઓ હાલના વિદ્યાર્થીઓ તથા યુવકને સહૃદયતાભરી સમજાવટથી ધર્માભિમુખ કરતા હતા અને તેમને ધર્મનું રહસ્ય સમજાવવા માટે વિવિધ ઉપાયો કામે લગાડતા હતા. તેમની આ પ્રવૃત્તિનું પ્રતિબિમ્બ જૈન સાપ્તાહિકના તા. ર૭-૩-૬૫ના અંકમાં આ પ્રમાણે આવેલ છે.
સ્વ. આચાર્ય મહારાજશ્રી નેમિસૂરીશ્વરજી મહારાજના સમુદાયના આચાર્ય શ્રી વિજયયશોભદ્રસૂરિજી મહારાજ સમતા કેળવીને અને મમતાને રસ વહાવીને સામાના દિલને જીતી
