________________
૧૨૦
આ. દેવશ્રી યશભદ્રસૂરીશ્વરજી મ. સા.ની
એ નેંધ કરવી પણ ઉચિત જ ગણાશે કે આ આઠેય દિવસ સાધર્મિક વાત્સલ્ય રૂડી રીતે થયાં હતાં અને યક્ષ-યક્ષિણીની સ્થાપનાની બેલી શા. નારમલજી સોનીના સુપુત્રો તથા બસ્તીમલજી પરવાડ તરફથી થઈ હતી.
આ મંગલ પ્રસંગે પૂજ્યશ્રી તરફથી ઉપાશ્રય અંગે પ્રેરણા થતાં તરત જ રૂા. ૩૦૦૦૦ની ટીપ થઈ હતી ! કે પ્રભાવ! કેવી ભક્તિ !
મહાપર્વની સુંદર આરાધના વૃક્ષમાં જે સ્થાન કલ્પતરુનું છે, ઔષધિમાં જે સ્થાન અમૃતનું છે અને મંત્રોમાં જે સ્થાન નવકારનું છે, તેજ સ્થાન પર્વોમાં પર્યુષણનું છે. અથવા તારાઓમાં જે સ્થાન ચંદ્રનું છે, દેવતાઓમાં જે સ્થાન ઈન્દ્રનું છે અને સતીઓમાં જે સ્થાન સીતાજીનું છે, તેજ સ્થાન પર્વોમાં પર્યુષણનું હોઈ તેને મહા પર્વની સંજ્ઞા પ્રાપ્ત થયેલી છે.
જે સદગુરુનો યોગ હોય તે આ આરાધના રૂડી રીતે થાય છે અને તે ભાવભયનું ભંજન કરનારી નીવડે છે. બેંગલોર સીટી, ગાંધીનગર તથા કેન્ટોનમેન્ટ શ્રીસંઘનું પુણ્ય પ્રબળ હતું કે તેને પર્યુષણ મહાપર્વની આરાધના કરાવવા માટે પૂજ્યશ્રી, પં. શ્રી શુભંકરવિજયજી ગણિ તથા પૂ. મુ. શ્રી સૂર્યોદયવિજયજી મહારાજ આદિની પવિત્ર નિશ્રા મળી હતી.
ત્રિભુવન તારક તીર્થકર દેએ ધર્મના ચાર અંગે કહ્યા છેઃ (૧) દાન, (૨) શીલ. (૩) તપ અને (૪) ભાવ. આ
