Page Text
________________
૮૩
વિરોએ પણ તે જ પ્રમાણે કહ્યું. પરંતુ ગોઠામાહિલે તે અંગીકાર કર્યું નહીં, તેથી તે બોલ્યા કે–“આ સર્વે કાંઈ પણ સમજતા જ નથી.” એમ કહી પોતાનું વચન તીર્થંકરના વચન જેવું સ્થાપન કરવા લાગ્યા. ત્યારે સર્વ સંધે એકત્ર થઈ શાસનદેવીનો કાયોત્સર્ગ કર્યો, એટલે શાસનદેવીએ આવી પ્રગટ થઈને કહ્યું કે- “મને શી આજ્ઞા છે ?” સંઘે કહ્યું કે- “મહાવિદેહમાં જઈ તીર્થંકર ભગવાનને પૂછી આવો કે–ગોષ્ઠામાહિલ જે કહે છે તે સત્ય છે ? કે દુર્બલિકાપુષ્પમિત્ર કહે છે તે સત્ય છે ?” તે સાંભળી દેવીએ કહ્યું કે–“હું જઈને આવું ત્યાં સુધી મને સહાય માટે કાયોત્સર્ગનું બળ આપો.” તે સાંભળી સંઘે કાયોત્સર્ગ કર્યો. પછી દેવી સીમંધરસ્વામી પાસે જઈ પૂછ્યું કે-“હે ભગવાન ! સંઘ પૂછે છે કે–“દુર્બલિકાપુષ્પમિત્ર વગેરે કહે છે તે સત્ય ? કે ગોઠામાહિલ કહે છે તે સત્ય ?' ભગવાને કહ્યું કે- “દુર્બલિકાપુષ્પમિત્ર વગેરે જે કહે છે તે જ સત્ય છે અને ગોઠામાહિલ જે કહે છે તે મિથ્યા છે, તે સાતમો નિતવ થવાનો છે.” આ પ્રમાણે ભગવાનનું વચન સાંભળી તે દેવીએ આવી સંઘને તે પ્રમાણે કહ્યું. તે સાંભળી ગોષ્ઠામાહિલે કહ્યું કે- “આ દેવી અલ્પ ઋદ્ધિવાળી છે, તેથી તે ત્યાં જઈ શકે જ નહીં. એટલે તેણે ત્યાં ગયા વિના પોતાની મેળે જ ગોઠવીને જવાબ આપ્યો છે.” પછી આચાર્યે ગોષ્ઠામાહિલને એકાંતમાં બોલાવીને કહ્યું કે- “હે આર્ય ભગવાનનું વચન અંગીકાર કરો, નહીં તો સંઘ તમારો બહિષ્કાર કરશે.” આ પ્રમાણે કહ્યા છતાં તેણે માન્યું નહીં, એટલે સકળ સંઘ એકત્ર થઈ આ સાતમો નિહ્નવ છે એમ કહી તેને સંઘ બહાર કર્યો. ૭.
આ પ્રમાણે સાતે નિદ્વવોનું વર્ણન કર્યું તે સર્વે જિનેશ્વરના સ્વલ્પ વચનના ઉત્થાપક હતા. હવે આ પ્રસંગે ભગવાનના ઘણા વચનોનો ઉત્થાપક આઠમો નિતવ કે જેનો પ્રરૂપેલો મત દિગંબર મતથી ઓળખાય છે, તેનું સ્વરૂપ બતાવે છે. તે શ્રી વર્ધમાન સ્વામીના નિર્વાણ પછી છસો નવ વર્ષે થયેલ છે.
આઠમા નિહ્નવ દિગંબર શિવભૂતિની કથા રથવીરપુરમાં દીપક નામના ઉદ્યાનને વિષે એક વાર આર્યકૃષ્ણ
| SR No. | 022842 |
| Book Title | Vardhaman Mahavir Ane Indrabhuti Gautam |
| Original Sutra Author | N/A |
| Author | Jitendra B Shah |
| Publisher | Shrutratnakar |
| Publication Year | 2007 |
| Total Pages | 218 |
| Language | Gujarati |
| Classification | Book_Gujarati |
| File Size | 16 MB |