Vardhaman Mahavir Ane Indrabhuti Gautam

SR No.: 022842
Original Sutra Author: N/A
Author: Jitendra B Shah
Publisher: Shrutratnakar
Publication Year: 2007
Total Pages: 218
Language: Gujarati
Classification: Book_Gujarati
File Size: 16 MB

Page 78

મત જ સ્વીકાર્યો. માટે અત્યારે તો તેના વચનનું મારે ખંડન કરવું જ યોગ્ય છે.” એમ વિચારી તેણે કહ્યું કે- “હે વાદી ! એ તારું માનવું અસત્ય છે, કેમ કે જીવ, અજીવ અને નોજીવ એમ ત્રણ રાશિ હોય છે. તેમાં મનુષ્ય પશુ, પક્ષી વગેરે જીવ છે, ઘટ, પટ વગેરે અજીવ છે અને ગરોળીનું છેદાયેલું તરફડતું પૂછડું એ વગેરે નો જીવ કહેવાય છે. દંડના આદિ, મધ્ય અને અંત એમ ત્રણ ભાગ છે. સ્વર્ગ, મૃત્યુ એ પાતાળ એ ત્રણ લોક છે, બ્રહ્મા, વિષ્ણુ, મહેશ્વર એ ત્રણ દેવ છે, સત્ત્વ, રજસ અને તમસ એ ત્રણ ગુણ છે, તે જ રીતે રાશિ પણ ત્રણ છે એ જ યોગ્ય છે.” આ પ્રમાણે કહી તેણે તે પરિવ્રાજકનો પરાજય કર્યો.
એટલે તે પરિવ્રાજકે તેનો પરાજય કરવા પોતાની વિદ્યા વડે અનેક વીંછીઓ વિદુર્ગા, તે વીંછીઓ પુંછડી ઊંચી કરી રોહગુપ્તને કરડવા દોડ્યા, એટલે રોહ ગુપ્ત ગુરુએ આપેલી વિદ્યા વડે મયૂર વિકુળં. તે મયૂરોએ વીંછીઓનો નાશ કર્યો. ૧. પછી પરિવ્રાજકે મોટા સર્પો વિકુર્લા ત્યારે રોહગુપ્ત નોળીયા વિકર્વી તેમનો નાશ કર્યો. ૨. પછી તેણે તીક્ષ્ણ દાંતવાળા ઉંદરો વિકવ્ય, ત્યારે રોહગુપ્ત બિલાડા વિકર્વી તેમનો નાશ કર્યો. ૩. પછી તેણે તીક્ષ્ણ શીંગડાવાળા મૃગો વિકુર્લા, ત્યારે રોહગુપ્ત વ્યાધ્રો વિદુર્વી તેમનો નાશ કર્યો, ૪. પછી તેણે શૂકર વિદુર્ગા, ત્યારે રોહગુપ્ત સિંહો વિકુર્તી તેમનો નાશ કર્યો. ૫. પછી તેણે વજ જેવી ચાંચવાળા કાગડાઓ વિદુર્ગા, ત્યારે રોહગુપ્ત ઘુવડો વિદુર્થી તેમનો નાશ કર્યો. ૬. પછી તેણે અતિ દુષ્ટ શકુનિકા =સમળીઓ વિક્ર્વીને મૂકી ત્યારે રોહગુપ્ત શ્યન=સચાણા=વિકુર્તી તેનો વિનાશ કર્યો. ૭. એ રીતે તેની સર્વ વિદ્યાઓ નિષ્ફળ થઈ. ત્યારે તે પરિવ્રાજકે ક્રોધ કરીને વિદ્યા વડે એક ગધેડી વિક્ર્વી મુનિ તરફ છોડી મૂકી. તેને આવતી જોઈ રોહગુપ્ત મુનિએ ગુરુનું રજોહરણ પોતાની ચોતરફ ફેરવી ગધેડીને ઓવાથી તાડન કરી એટલે તે ગધેડી પ્રભાવ રહિત થઈ ગઈ અને પરિવ્રાજકની ઉપર જ મૂત્ર અને વિષ્ટા કરીને નાસી ગઈ. આ રીતે સર્વ વિઘાઓમાં પણ તે હાર્યો એટલે સર્વ લોકોએ તેનો તિરસ્કાર કર્યો, તેથી તે લજ્જા પામીને નાસી ગયો. પછી લોકો વડે પ્રશંસા કરાતા રોગુપ્ત હર્ષથી ગુરુ પાસે આવ્યા.