________________
૨૧૧ હેય છે. તેણે ગ્રહણ કરેલી વિદ્યા લોકમાં સફળ થાય છે.” પ્ર.૨૨ હે કૃપાના સાગર ! “કયા કર્મથી મનુષ્યનું દ્રવ્ય નાશ પામે છે ?” જ.૨૨ “હે ગૌતમ ! જે પુરુષ દાન આપીને પછી મનમાં વિચારે, “અરે !
આ દાન મેં શા માટે આપ્યું ?” એમ પશ્ચાતાપ કરે તેના ઘરમાંથી નિશ્ચય કરીને લક્ષ્મી થોડા જ વખતમાં પાછી ચાલી જાય છે. આ
બાબતમાં ધનદત્તના પુત્ર સુધનની કથા જાણવી.” પ્ર.૨૩ “હે દયાના ભંડાર ! ક્યા કારણથી માણસને લક્ષ્મી ફરીથી આવી
મળે છે ?” જ.૨૩ “હે ગૌતમ ! જે પુરુષ પોતાની પાસે થોડું ધન હોય તો પણ પોતાની
શક્તિ અનુસાર સુપાત્રને દાન આપે છે, અને બીજાની પાસે પણ દાન અપાવે છે તેને પરભવમાં ફરીથી ઘણી લક્ષ્મી આવી મળે છે.
આ બાબતમાં સમુદ્રદત્તના પુત્ર મદનનું દૃષ્ટાન્ત જાણવું.” પ્ર.૨૪ “હે દીનદયાળ ! ક્યા કર્મથી જીવને લક્ષ્મી મળે અને સ્થિર થાય
છે ?” જ.૨૪ “હે ગૌતમ ! જે જે વસ્તુ આપણાને પોતાને ગમતી હોય તે તે વસ્તુ
સારી ભાવનાથી જો સાધુઓને આપવામાં આવે, આપ્યા પછી પશ્ચાત્તાપ કરે નહિ, પણ મનમાં ઘણો રાજી થાય તેની લક્ષ્મી
શાલિભદ્રની લક્ષ્મીની જેમ સ્થિર થાય છે.” પ્ર.૨૫ “હે કરુણાસમુદ્ર ભગવંત ! કયા કર્મથી મનુષ્યને ત્યાં પુત્ર જીવતો
નથી ?” જ.૨૫ “હે ગૌતમ ! જે પુરષ પશુ, પક્ષી અને મનુષ્યોનાં બાળકોને વિયોગ
કરાવે છે વળી જે ઘણો પાપી હોય છે તે પુત્ર વિનાનો થાય છે, તેને ત્યાં બાળકો થતાં નથી, કદાચ બાળકો થાય તો જીવતાં નથી. આ બાબતમાં ઋદ્ધિવાસ નામના નગરમાં રહેનાર વર્ધમાન શેઠના નાના પુત્ર દેદેનું દૃષ્ટાન્ત જાણવું. તે અપુત્રીઓ-નિઃસંતાન અને મહાદુઃખી
હતો.” પ્ર.૨૬ “હે સર્વજ્ઞ પ્રભુ ! કયાં કર્મથી જીવ ઘણા પુત્રવાળો થાય છે ?”
