________________
૧૪૦
આચાર એટલે વેષધારણ કરવારૂપ બાહ્ય ક્રિયાનો સમૂહ, તેની વ્યવસ્થા ક્વી છે ? અને આ ગણધરના શિષ્યોના બાહ્ય આચારરૂપ ધર્મની વ્યવસ્થા ક્વી છે ?
કહેવાનો ભાવ એ છે કે, બંને ગણધરોનાં મુનિઓને—અમારો અને તેમનો ધર્મ શ્રીસર્વજ્ઞે જ કહેલો છે, છતાં તે ધર્મમાં અને તેના સાધનોમાં ઘણો તફાવત દેખાય છે, તેનું કારણ શું હશે ? એમ બાહ્ય તફાવતથી શંકા થઈ. ૧૧.
તે જ વિચારને પ્રગટ કરતા કહે છે
-
चाउज्जामो य जो धम्मो, जो इमो पंचसिक्खिओ । देसिओ वद्धमाणेणं, पासेण य महामुणी ॥१२॥
અર્થ : જે આ અમારો ચાર મહાવ્રતવાળો ધર્મ મહામુનિ પાર્શ્વનાથસ્વામીએ કહેલો છે અને જે આ ગૌતમ ગણધરના શિષ્યોનો પાંચ શિક્ષાવાળો એટલે પંચમહાવ્રતવાળો ધર્મ મહામુનિ વર્ધમાનસ્વામીએ કહેલો છે. આ બંને પ્રકારનો જુદો જુદો ધર્મ કહેવાનું શું કારણ હશે ? (આ સૂત્ર વડે ધર્મના વિષયવાળો સંશય પ્રગટ કર્યો છે.) ૧૨.
अचेलगो अ जो धम्मो, जो इमो संतरुत्तरो । Vાખ઼પવનાનું, વિસેસે હ્રિ નુ ારાં ? ।।
અર્થ : તથા જે અચેલક એટલે વસ્ત્ર રહિત અર્થાત્ પ્રમાણોપેત, શ્વેત, જીર્ણપ્રાય અને અલ્પ મૂલ્યવાળું વસ્ત્ર ધારણ કરવું એવો ધર્મ શ્રીવર્ધમાનસ્વામીએ કહ્યો છે અને જે આ અમારો સાંતર એટલે શ્રીમહાવીરસ્વામીના શિષ્યની અપેક્ષાએ અંતર=તફાવત સહિત અર્થાત્ વિશેષ પ્રકારના પ્રમાણ અને વર્ણવાળો તથા ઉત્તર એટલે મોટા મૂલ્ય વડે પ્રધાન–શ્રેષ્ઠ એવા વસ્ત્રવાળો ધર્મ શ્રીપાર્શ્વનાથ-સ્વામીએ કહ્યો છે. તો મોક્ષરૂપ એક જ કાર્યને માટે પ્રવર્તેલા તે બંને તીર્થંકરોને આવો વિશેષ— ફેરફાર કરવામાં શું કારણ હશે ? ૧૩.
