________________
કેશીગૌતમીય અધ્યયન
જેમ પાર્શ્વનાથ ભગવાનના સાધુ શ્રીકેશીકુમારે શ્રીગૌતમસ્વામીને વિનયથી પ્રશ્ન પૂછીને પોતાના શિષ્યોનો સંદેહ દૂર કર્યો હતો તેમ અન્ય મુમુક્ષુએ પણ શંકાનું સમાધાન કરી સંયમ માર્ગમાં કેવી રીતે પ્રવર્તવું તે સંબંધી સમજવા જેવી બોધદાયક વાતો આ અધ્યયનમાં સુંદર સમજાવેલી છે.
કેશીગણધર અને ગૌતમસ્વામી એ બંને મહાત્માઓની વચ્ચે થયેલ સંયમીઓને ઉપયોગી તાત્ત્વિક વાર્તાલાપ વાંચવા જેવો છે, ચિંતનીય છે. વાર્તાલાપના અંતે કેશીકુમારે પરિવાર સહિત શ્રીગૌતમસ્વામી પાસે પાંચ મહાવ્રત વાળો ધર્મ સ્વીકાર કર્યો.
जिणे पासि त्ति नामेणं, अरहा लोगपूइए । संबुद्धप्पा य सव्वण्णू, धम्मतित्थयरे जिणे ॥१॥
અર્થ : રાગદ્વેષને જીતનાર પાર્શ્વ એવા નામના, પૂજાને લાયક તીર્થકર, એ જ કારણે લોકોએ પૂજેલા તત્ત્વના જ્ઞાનવાળા, સર્વજ્ઞ, ધર્મતીર્થને કરનારા તથા સર્વ કર્મને જીતનારા હતા. ૧. અહીં શ્રી પાર્શ્વનાથનું સંક્ષિપ્ત ચરિત્ર કહે છે –
શ્રીપાર્શ્વનાથભગવાનનું ચરિત્ર આ જ ભરતક્ષેત્રમાં પોતનપુર નામનું નગર છે. તેમાં અરવિંદ નામે રાજા હતો. તેને સકલ શાસ્ત્રનો પારગામી અને જિનધર્મમાં તત્પર વિશ્વભૂતિ નામે પુરોહિત હતો, તેને અનુદ્ધરા નામની ભાર્યા હતી. તે પુરોહિતને કમઠ
