________________
૧૦૮
અર્થ : આર્યપણું પામીને પણ સર્વ ઇંદ્રિયોની નિપુણતા પ્રાપ્ત થવી દુર્લભ જ છે. કારણ કે– રોગાદિ વડે ઇંદ્રિયોની વિકલતા=અપૂર્ણતા હોય એવું ઘણું ખરું—એ જોવામાં આવે છે. તેથી હે ગૌતમ ! એક સમય પણ પ્રમાદ કરવો નહીં. ૧૭.
अहीणपंचिंदियत्तं पि से लहे, उत्तमधम्मसुई हु दुल्लहा । कुतित्थिनिसेवए जणे, समयं गोयम ! मा पमायए ॥१८॥
અર્થ : પંચેંદ્રિયની સંપૂર્ણતા પણ તે જીવ કદાચ પામે તો પણ ઉત્તમ એટલે તાત્ત્વિક ધર્મનું શ્રવણ અત્યંત દુર્લભ જ છે. કારણ કે- ઘણા લોકો શાક્યાદિ કુતીર્થિકોને સેવનારા હોય છે કારણ કે કતીર્થિકો લાભાદિની ઇચ્છાથી પ્રાણીઓને પ્રિય એવો જ ઉપદેશ કરે છે. તેથી તેમના મતમાં ઘણા માણસો જાય છે. તેથી હે ગૌતમ ! એક સમય પણ પ્રમાદ ન કરવો. ૧૮.
लभ्रूणवि उत्तमं सुइं, सद्दहणा पुणरवि दुल्लहा । मिच्छत्तनिसेवए जणे, समयं गोयम ! मा पमायए ॥१९॥
અર્થ : ઉત્તમ ધર્મનું શ્રવણ પામીને પણ ફરીથી તે ઉપર શ્રદ્ધા થવી દુર્લભ છે. કારણ કે ઘણા માણસો અનાદિ ભવના અભ્યાસથી તથા ભારેકર્મી હોવાથી મિથ્યાત્વને સેવનારા હોય છે, તેથી હે ગૌતમ ! એક સમય પણ પ્રમાદ કરવો નહિ. ૧૯.
धम्म पि हु सद्दहंतया, दुल्लहया काएण फासया । इह कामगुणेहिं मुच्छिया, समयं गोयम ! मा पमायए ॥२०॥
અર્થ : ઉત્તમ ધર્મને શ્રદ્ધા કરતાં પણ તેને કાયા વડે સ્પર્શ કરનારા એટલે અનુષ્ઠાન કરનારા અતિ દુર્લભ છે. કારણ કે આ જગતમાં ઘણા જીવો શબ્દાદિ કામભોગને વિષે મૂર્છાવાળા–સ્પૃહાવાળા હોય છે. અપથ્યની જેમ અહિત કરનારા વિષયો ભોગી માણસોને પ્રિય લાગે છે. તેથી દુર્લભ એવી ધર્મસામગ્રી
