________________
હું
૨૨૦
(@@@@@@@@@@@@@@@@@@@@@@@
સીતાને કલંક ભાગ-૬
સીતાત્યાગની વાતનું ઉચ્ચારણ શ્રી લક્ષ્મણજી આ રીતે ક્રોધે ભરાય છે, જ્યારે શ્રી રામચંદ્રજી આ વાતનો પોતાની ધારણા મુજબનો નિવેડો, બને તેટલી ત્વરાથી લાવવાને ઇચ્છે છે. આથી તેઓ કહે છે કે, ‘આ ચરોએ જે વાત કહી તે વાત તો મને પહેલા આપણા વિજય આદિ પુરમહત્તરો પણ કહી ગયા છે અને મેં જાતે પણ એ વાત સાંભળી છે. આ લોકો જાતે સાંભળીને આવ્યા છે અને એ જ વાત એમણે પ્રત્યક્ષપણે કહી છે. શ્રીમતી સીતાનો ત્યાગ કરવાથી સીતાના સ્વીકારની જેમ લોક અપવાદને થશે નહિ !'
આ રીતે શ્રી રામચન્દ્રજી પોતે શ્રીમતી સીતાનો ત્યાગ કરવાના નિર્ણય ઉપર જ છે, એ વાતને ઉચ્ચારે છે. શ્રીમતી સીતાજીના સ્વીકારથી ઉત્પન્ન થવા પામેલ લોકપવાદનો, શ્રીમતી સીતાજીના ત્યાગ દ્વારા જ નાશ થશે એમ શ્રી રામચન્દ્રજી માને છે. જેના સ્વીકારથી નિન્દા થાય છે, તેનો ત્યાગ કરવાથી નિા અટકી પડશે, એમ શ્રી રામચન્દ્રજીનું માનવું છે. અત્યારે તેમની આંખ સામે કેવળ લોકનિદા જ દેખાઈ રહી છે અને લોકનિદાને અટકાવવા તેમનું હૈયું તલસી રહ્યાં છે. એ તલસાટમાં તેમને શ્રીમતી સીતાજી સગર્ભા છે અને આવી અવસ્થામાં તેમનો ત્યાગ કરવાથી તેમનું શું થશે ? એ વગેરે સૂઝતું નથી. લોક પ્રશંસાના અતિ અર્થીપણાએ શ્રી રામચન્દ્રજીના વિવેકચક્ષુઓને આવરી લીધા છે; નહિતર શ્રી રામચન્દ્રજી જેવા લોનિન્દા ખાતર મહાસતી એવા શ્રીમતી સીતાજીનો ત્યાગ કરવાને તત્પર બને, એ શક્ય જ નથી.
શ્રી લક્ષ્મણજીની વિનંતી તદ્દન ખોટા પણ લોકાપવાદથી ડરી જઈને મહાસતી એવા પણ શ્રીમતી સીતાજીનો ત્યાગ કરવાને પોતાના વડીલ બધુ શ્રી રામચન્દ્રજી તૈયાર થાય છે, એ જાણીને શ્રી લક્ષ્મણજીને પારાવાર ખેદ થાય છે. શ્રી રામચન્દ્રજીનો પડતો બોલ ઝીલવાને સદાય તત્પર રહેનારા અને પોતે વાસુદેવ હોવા છતાં પણ સ્વામી તરીકેની શ્રીરામચન્દ્રની ખ્યાતિમાં જ રાચનારા શ્રી લક્ષ્મણજીને લાગે છે કે, ‘વડીલ ભાઈ શ્રી રામચન્દ્રજી અત્યારે ભયંકર ભૂલ કરી રહી છે.
