________________
૧૯૮
....સીતાને કલંક....ભ.-૬
“સીતારસેન તેનેય, નોવક્ષુ, યં ભવેત્ ? । નાદ્રોડાવ વ્યતૃષર્ રામો, ન રસ્તો ઢોષમીક્ષતે ૨૫ અયોધ્યા નગરીમાં ઠેર ઠેર એ વાત ચાલી રહી છે કે, જે શ્રીમતી સીતાને શ્રી રાવણ ઉપાડી ગયો અને જે શ્રીમતી સીતા શ્રી રાવણના આવાસમાં ઘણો કાળ રહી તે શ્રીમતી સીતાને શ્રી રામ લઈ આવ્યા અને વળી માને છે કે, એ સતી છે ! શ્રીમતી સીતામાં રક્ત એવા શ્રી રાવણે આ શ્રીમતી સીતાને ભોગ દૂષિત ન કરી હોય, એ બને જ કેમ? એટલુ પણ શ્રી રામે વિચાર્યું નહિ ! પણ ખરી વાત એ છે કે રાગી આદમી દોષને જોતો જ નથી !
શ્રીમતી સીતાજીની સાથે લોક શ્રી રામચન્દ્રજી જેવાની પણ નિન્દા જ કરી રહ્યા છે
લોક આ રીતે બેયની નિન્દા કરી રહ્યો છે. શ્રીમતી સીતા સતી નથી અને શ્રી રામ તેનામાં રાગી હોવાના કારણે શ્રીમતી સીતાના દોષને જોઈ શક્તા નથી. લોક્નો નિર્ણય કેટલો બેહુદો છે ? શ્રી રામચન્દ્રજીને બુદ્ધિહીન કહી શકાય તેમ નથી અને શ્રી રામચન્દ્રજી અણસમજુ છે એમ પણ કહી શકાય તેમ નથી, માટે લોક પોતાની ખોટી પણ વાતને સાચી ઠરાવવાને માટે શ્રી રામચન્દ્રજીને રાગાન્ધ ઠરાવે છે ! ખરેખર આ રીતે શ્રી રામચન્દ્રજીને માટે કાંઈ પણ બોલ્યા વિના તો શ્રીમતી સીતાજીને દોષિત ઠરાવી શકાય તેમ નથી; કારણકે કોઈ એમ પૂછે છે, કે ‘શું શ્રી રામચન્દ્રજીમાં તમારા જેટલી પણ અક્ક્સ નથી, કે એથી તેઓ તમે કહો છો એમ શ્રીમતી સીતાજી અસતી હોવા છતાંપણ તેમને સતી માને છે ? આવો પ્રશ્ન ઉદ્ભવે જ નહિ અગર ઉદ્ભવ્યો હોય તો શમી જવા પામે, એ માટે લોક એ જ વાત કરે છે કે શ્રીમતી સીતાજી ઉપર શ્રી રામચન્દ્રજીને એટલો બધો રાગ છે, કે જેના યોગે તેઓ શ્રીમતી સીતાજીના દોષને જોઈ શક્તા નથી !' શ્રી રામચન્દ્રજીને શ્રીમતી સીતાજી ઉપર અતિશય પ્રેમ છે એ વાત સાચી છે, પણ એથી શ્રી રામચન્દ્રજી શ્રીમતી સીતાજી દોષિત હોય તો પણ, શ્રીમતી સીતાજીના દોષને જોઈ જ ન શકે એવા રાગાન્ધ નથી જ !
