________________
૧૯૨
PRRRRRRRRRRRRRRRRRRRRRRR
સિતાને કલંક....ભાગ-3
શ્રી તીર્થંકરદેવો પણ અવશ્ય ભાવિભાવનું
ઉલ્લંઘન કરી શકતા નથી આ પ્રસંગમાં શ્રી રામચન્દ્રજીએ, ‘ભક્ત આત્માઓ કોઈ પણ બાબતમાં ઉપેક્ષા કરનારા હોતા નથી.' એમ બોલવા દ્વારા વિજય આદિ પુરમહત્તરોને જેમ એ વાતનું સૂચન કર્યું છે કે શ્રીમતી સીતાજીના પ્રવાદ સંબંધી પણ આ વાતની તમે ઉપેક્ષા કરી નથી, એ તમારી ભક્તિ સૂચવે છે.' તેમ એ વાતનું સૂચન કર્યું છે કે તમારે આવી અગર તો આથી પણ વધુ દુઃશ્રવ એવી ય વાત, જો અમારા હિતાહિતને લગતી હોય, તો જરૂર કહેવી.' શ્રી રામચન્દ્રજીનું આ પ્રકારનું સૂચન પણ, તેમની ઉત્તમતાનું તેમની વિવેકશીલતાનું જ સૂચક ગણાય. જે વાતને સાંભળતા પણ શ્રી રામચન્દ્રજી આઘાત પામીને દુ:ખના વશે મૌન થઈ ગયા, તે વાત કહેનારાઓને આવો ઉત્તર દેવા જોગું કૌવત, અધમ આત્માઓમાં હોઈ શકતું જ નથી.
સભા : આવા સમજુ અને વિવેકી હોવા છતાંપણ શ્રી રામચન્દ્રજી શ્રીમતી સીતાદેવી મહાસતી છે એવો નિશ્ચય હોવા છતાંપણ, શ્રીમતી સીતાદેવીનો ત્યાગ કરવાની પ્રતિજ્ઞા કરે, એ શું?
પૂજયશ્રી : આ વાતનો પણ સામાન્ય ખુલાસો પહેલાં થઈ ગયો છે. ઐહિક યશની વધારે પડતી કામનાનો જ એ પ્રતાપ છે. મારો યશ કોઈપણ કારણે પછી તે કારણ સાચું હોય કે ખોટું હોય, પણ કલંકિત ન જ બનવો જોઈએ, આવી મનોવૃત્તિને યોગે જ શ્રી રામચન્દ્રજી જેવાને હાથે એ વસ્તુ શક્ય બની છે. ભવિતવ્યતા પણ એક એવી વસ્તુ છે, કે ભલભલાને ભૂલવે છે. શાસ્ત્રકાર મહાત્માઓ ફરમાવે છે કે, શ્રી તીર્થંકરદેવો જેવા પરમતારકો પણ અવશ્ય ભાવિભાવને મિથ્યા કરી શકતા નથી. શ્રી નદિષણ અને જમાલી જેવાને ખુદ ભગવાને દીક્ષા કેમ આપી ? શું ભગવાન જાણતા નહોતા કે, આ આત્માઓનું ભવિષ્યમાં પતન થવાનું છે ? શ્રી નદિષણ વેશ્યાને ઘેર પડશે અને જમાલી તારક શાસનનો વિરોધ કરશે, એમ ભગવાન જાણતા નહોતા ? ભગવાન શ્રી મહાવીર દેવ જાણતા જ હતા. અહીં એ પ્રશ્ન સંભવિત છે કે, જ્યારે ભગવાન જાણતા હતા, તો
