________________
૧૩૮
leerderderderderdere RPRIS
સીતાને કલંક...ભાગ-૬
શ્રીમતી સીતાજીના હૃદયને અશુભના એક નિમિત્ત માત્રે પણ કેટલો બધો આઘાત પહોંચાડ્યો ? એ બહુ જ વિચારવા જેવી વાત છે. શું તેમને પ્રાપ્ત થનારૂં દુઃખ એ તેમના જ પોતાના પૂર્વકાલીન પાપકાર્યનું પરિણામ નહોતું ? અશુભ કર્મના ઉદય વિના દુ:ખ આવે નહિ અને પાપકરણી આચર્યા વિના અશુભ કર્મ બંધાય નહિ, એ નિયત વાત છે; એટલે દુઃખ પોતાના જ પૂર્વકાલીન પાપકાર્યનું પરિણામ છે, એ નિસ્તંદેહ છે આમ છતાં, દુ:ખ આવતા અગર તો દુ:ખ આવવાનું છે એવો ખ્યાલ, આવતાં દુ:ખના દ્વેષીજનોને આઘાત થાય તે અસંભવિત નથી. એવા સમયે વાસ્તવિક ધીરતાને ધારણ કરી, વીરતા કેળવી, સમભાવમાં મગ્ન બનવું, એ જ એક સાચો તરણોપાય છે; પરંતુ એમ થવું, એ કાંઈ સઘળા જ આત્માઓને માટે શક્ય નથી. દુ:ખના આવાગમનથી અગર તો આવનાર દુ:ખના ખ્યાલથી ગભરાયેલા જીવોને, એવી સલાહ આપવી જોઈએ કે જેના યોગે તેઓ ધીર અને વીર બનીને સમભાવે દુ:ખને સહન કરી શકે ! એટલું જ નહિ, પણ એવા સમયે દુ:ખી આત્માઓનાં હૃદયમાં પાપ પ્રત્યે જ તિરસ્કાર પ્રગટે અને પાપથી બચાવનાર ધર્મ પ્રત્યે આદરભાવ પ્રગટે, એવી જ જાતિની સુદર સલાહ આપવી એ હિતકારક છે પણ દુનિયામાં આવી સલાહ આપનારા કેટલા?
સભા : બહુ જ વિરલ.
પૂજયશ્રી : આપણે એ વિરલોમાંના જ એક બનવું જોઈએ. સલાહ આપવી જ હોય તો એવી જ આપવી; નહિ તો બહેતર છે કે મૂંગા રહેવું. અન્યનું ભલું ન કરી શકાય તોય તેના ભંડાથી તો જરૂર બચવું. ખોટી સલાહ આપનારાઓના કરતાં મૂંગા રહેનારાઓ પણ લાખ દરજ્જ સારા છે.
કોઈ કોઈના પણ દુષ્કર્મોદયને અન્યથા કરી શકે જ નહિ
વિચારી જુઓ કે, શ્રી રામચન્દ્રજીએ શ્રીમતી સીતાજીને શું કહ્યું હશે ? તું ગભરાય છે શા માટે ? હું બેઠો છું ત્યાં સુધી તારો એક વાળ પણ વાંકો કરનાર કોણ છે ? તારા મહેલ ઉપર પહેરો મૂકી દઉં.' આવું આવું કહેવા ધારે, તો શ્રી રામચન્દ્રજી કહી શકે તેમ હતું કે નહિ ? શ્રી
