Jain Ramayan Part 05

SR No.: 022832
Original Sutra Author: N/A
Author: Ramchandrasuri, Shreyansprabhsuri
Publisher: Smrutimandir Prakashan
Publication Year: 2011
Total Pages: 346
Language: Gujarati
Classification: Book_Gujarati
File Size: 13 MB

Page 53

અયોધ્યાપુરી તરફ આવવા નીકળે છે. તે વખતે શ્રી રામચંદ્રજી અને શ્રીલક્ષ્મણજી, જાણે કે શક્રેન્દ્ર અને ઈશાનેન્દ્ર એક વિમાનમાં બેઠા હોય, તેવા દેખાય છે. શ્રી રામચંદ્રજીની સાથે તે વખતે શ્રી બિભીષણ, વાનરેશ્વર સુગ્રીવ અને શ્રીમતી સીતાદેવીના ભાઈ શ્રી ભામંડલ વગેરે રાજાઓ પણ તેમને અનુસરતા અયોધ્યાનગરી તરફ જાય છે વિમાનમાં જવાનું એટલે વાર શી લાગે ? શ્રી લક્ષ્મણજી જ્યારે મહાશક્તિથી મૂચ્છિત થયા હતા, ત્યારે શ્રી ભામંડલ લંકાથી અયોધ્યા જઈને, ત્યાંથી શ્રી ભરતરાજાને સાથે લઈને કૌતુકમંગલ નામના નગરમાં ગયા હતા અને ત્યાંથી વિશલ્યાને સાથે લઈને એક જ રાતમાં લંકાપુરીની પાસે પાછા ફર્યા હતા, એ આપણે જોઈ ગયા છીએ.
અહીં આ પ્રસંગે શ્રી રામચંદ્રજી સપરિવાર ક્ષણવારમાં લંકાથી નીકળીને અયોધ્યાનગરીની પાસે આવી પહોંચ્યા.
રાજા શ્રી ભરત અને શ્રી શત્રુઘ્ન સત્કાર કરે છે અયોધ્યાની પ્રજા પણ શ્રી રામચંદ્રજીના શુભ આગમનને વધાવવા ઉત્કંઠિત બનેલી છે. શ્રી રામચંદ્રજીને અને શ્રી લક્ષ્મણજીને પુષ્પક વિમાનમાં બેસીને આવતા દૂરથી પણ જોઈને રાજા શ્રી ભરત પોતાના નાનાભાઈ શત્રુધ્વની સાથે હાથી ઉપર બેસીને આવ્યા. રાજા શ્રી ભરત નજદિક પહોંચ્યા એટલે ઈન્દ્રની આજ્ઞાથી પાલક વિમાન નીચે ઉતરે તેમ શ્રી રામચંદ્રજીની આજ્ઞાથી પુષ્પક વિમાન નીચે પૃથ્વી ઉપર આવ્યું. શ્રી રામચંદ્રજી અને શ્રી લક્ષ્મણજી વિમાનમાંથી નીચે ઉતરે તે પહેલાં તો રાજા શ્રી ભરત અને શત્રુઘ્ન હાથી ઉપરથી નીચે ઉતરી ગયા. અત્યારે શ્રી ભરત જો કે અયોધ્યાના ગાદીપતિ છે, છતાં ઉમરમાં તો શ્રી રામચંદ્રજીથી નાના છે, એટલે વિનય ચૂકતા નથી. હાથી ઉપરથી રાજા શ્રી ભરત અને શત્રુપ્સ ઉતરી પડ્યા એટલે ઉત્કંઠિત એવા શ્રી રામચંદ્રજી અને શ્રી લક્ષ્મણજી પણ વિમાનમાંથી ઉતર્યા. જેવા તે નીચે ઉતર્યા કે તરત જ આનંદના અશ્રુઓથી ભરેલાં નેત્રવાળા શ્રી ભરતજી શ્રી રામચંદ્રજીના પગમાં પડી ગયા. શ્રી રામચંદ્રજીએ પણ શ્રી ભરતજીને પોતાના હાથે ઉભા કર્યા અને તેમને માથામાં વારંવાર ચૂમવા સાથે ભેટ્યા. એ જ રીતે પોતાના પગમાં આળોટતા શત્રુધ્ધને ઉઠાવીને શ્રી રામચંદ્રજીએ તેમને પોતાના વસ્ત્રથી
અયોધ્યાની યાદ, શણગાર અને પ્રવેશ...૨
૩પ
૭)