________________
ભોગતૃષ્ણા વધવાનું પરિણામ અપવાદરૂપ ગણાય તેવા સજ્જનોની વાત જુદી છે, પણ મોટા ભાગની દશા આ થઈ પડી છે. ભોગતૃષ્ણા જેમ વધતી ગઈ, તેમ સઘચારોનો તથા સદ્વિચારોનો લોપ થતો ગયો અને દુરાચારો તથા દુવિચારો વધવા માંડ્યા. પછી દુરાચારીઓએ પોતાના દુરાચારોને જ સાચારો મનાવવાનો પ્રયત્ન આદર્યો અને ક્રાંતિના નામે, કળાના નામે, સુધારાના નામે, પ્રગતિના નામે તથા સમાન હક્ક આદિના નામે અજ્ઞાનલોકને દુરાચારો તરફ ઘસડીને, સદાચારના ઉપાસકો તથા પ્રચારકો તરફ દુર્ભાવ ફેલાવવા માંડ્યો.
અમે ક્રાંતિના વિરોધી છીએ એમ નથી; પણ વર્તમાનની ક્રાંતિ વિનાશક છે માટે અમે તેનાથી ચેતતા રહી બીજાઓને બચતા રહેવાને પ્રેરીએ છીએ. ક્રાંતિ એટલે પરિવર્તન. એને માટે તો આ શાસન છે આ 6 શાસનનો પ્રચાર જ પરિવર્તનકારી છે. સ્વમાં અને પરમાં પરિવર્તન લાવવાને માટે તો આ શાસનની આરાધના છે. શ્રી જૈન શાસનનો સાચો આરાધક ક્ષણે ક્ષણે પરિવર્તન માટે જ મથ્યા કરે છે. શ્રી જૈન શાસનના સાચા આરાધકની પ્રત્યેક ધર્મક્રિયા ક્રાંતિકારી હોય છે. એવું માનનારા અમે, ક્રાંતિના વિરોધી કેમ હોઈ શકીએ ? અમારો પ્રયત્ન તો સાચું પરિવર્તન લાવવાનો જ છે.
દુનિયાના જીવો વર્તમાનમાં જે દશા ભોગવી રહ્યા છે, તે દુઃખદ છે અને દુઃખસર્જક છે. અમે દુઃખદ અને દુઃખસર્જક દશા ટાળવાનો ભગવાનનો પેગામ પ્રચારનારા છીએ. અમે તો જનતામાં એવું પરિવર્તન આવેલું જોવાને ઈચ્છીએ છીએ કે દુનિયાના માનવી માત્રની દિશા જ પલટાઈ જાય. સંસારમાં રાચતો, અને સંસારને વધારતો આત્મા સંસારનાં બંધનોને તોડતો અને મોક્ષની નિકટ પહોંચતો બની જાય. એ અમારો મનોરથ છે. અમે તો એવું પરિવર્તન લાવવા ઈચ્છીએ છીએ, કે જે પરિવર્તન મનુષ્યોને દુઃખથી બચાવી સુખમય સ્થિતિએ પહોંચાડે તેમજ મનુષ્ય સિવાયના બીજા જીવો આજે મનુષ્યો તરફથી જે મહોત્રાસ ભોગવી રહ્યા છે તે જીવોનો પણ તે મહોત્રાસ મટી જાય ! ૨૯૯ ક))
ભગવાને કર્યું તે હિં, કહ્યું તે કરવાનું...૧૧
