________________
૨૩૬
સાગ-૫
ઓશીયાળો અયોધ્યા.
અચકાયા વિના કે બીજો કોઈ વિચાર કર્યા વિના, પોતાનો નિર્ણય જાહેર કરતાં કહી દીધું કે ‘મારા વ્રતગ્રહણમાં વિઘ્ન કરનારી તમે આજે મારા પુણ્યયોગે જ આમ બોલી છો. વિઘ્નભૂત થનારી તમે અનુમતિ આપી એટલે હવે હું તરત જ વ્રત ગ્રહણ કરીશ.'
સ્ત્રીઓએ ધારેલું નહિ કે શ્રી ધન્નાજી આવો જ્વાબ આપશે અને શ્રી ધન્નાજીની સ્ત્રીઓ એ પણ જાણતી હતી કે શ્રી ધન્નાજીનો નિર્ણય એ નિર્ણય જ ! એ ફરે કરે નહિ. આથી તરતજ શ્રી ધનાજીની સ્ત્રીઓએ શ્રી ધન્નાજીને કહ્યું કે ‘હે સ્વામિન્ ! પ્રસન્ન થાઓ અમે તો મશ્કરીમાં કહ્યું છે. આપના દ્વારા નિરંતર લાલન કરાયેલી અમારો અને આ લક્ષ્મીનો આપ ત્યાગ ન કરો.'
શ્રી ધન્નાજીની મક્કમતા અને કુલીન પત્નીઓનો પણ શુભ નિર્ણય શ્રીશાલિભદ્રજી જેવા દેવતાઇ ભોગોને ભોગવનાર સુકોમળ અને ક્ટનું નામ પણ નહિ જાણનાર, એવાને પણ રોજ તે એક એક સ્ત્રીનો અને એક એક શય્યાનો ત્યાગ કરતા હોવા છતાંય, જે શ્રીધન્નાજી ડરપોક અને સત્ત્વહીન કહે તે શ્રીધન્નાજી હવે સ્ત્રીઓની વિનવણીથી પોતાનો સંયમનો નિશ્ચય ફેરવે ? શ્રીધન્નાજી તો એ જ સમયે નિત્ય પદ એવા મોક્ષને સાધવા માટે સંસારત્યાગ કરવાનો દૃઢ નિશ્ચય કરીને ઉભા થઇ ગયાં. આ રીતે શ્રી ધન્નાજીના દૃઢ નિશ્ચયને જાણીને તે પુણ્યાત્માની પત્નીઓએ પણ કહ્યું કે ‘અમે પણ આપની પાછળ દીક્ષા લઇશું.' કારણકે એ કુળવાન હતી. સતીઓ તો પતિની અનુગામિની હોય વ્રતગ્રહણ કરવાની શક્તિ ન હોવાને કારણે જે પત્નીઓ પતિની સાથે દીક્ષિત ન થાય, તે પણ સંસારમાં કઇ રીતે રહે? સતીઓના ધર્મને સમજો અને એ ધર્મને ઘરમાં લાવો ! પુસ્તકોમાં રાખી સ્વપ્નાં જેવો ન બનાવી ઘો. પતિના સન્માર્ગ ગમનમાં આડે આવવાની બુદ્ધિ આર્યપત્નીમાં ન હોય. શ્રીશાલિભદ્રજીની માતાએ શ્રીશાલિભદ્રજીને સમજાવવાનો પ્રયાસ કર્યો છે, પણ બત્રીશ સ્ત્રીઓમાંથી એક્ય બોલી નથી. ભદ્રામાતાએ અનુમતિ આપી ત્યારેય કોઇએ વાંધો લીધો નથી. એનું નામ કુલીનતા છે આજે તો દશા જ જુદી છે.
