________________
શિયાળ અયોધ્યભાગ-૫
૨૫૦ તો ઘણા માણસો નષ્ટ ચિત્તવાળા અને પ્રાણરહિત થાય !' આવો
મહાન અનર્થ ન થવા પામે, એ માટે ભગવાને પોતાના કુટુંબીઓને પૂછ્યું કે, 'તો પછી મારે હજુ પણ કેટલો કાળ સંસારમાં રહેવું, કે જેથી તમને ક્ષત ઉપર ક્ષાર રાખવા જેવું ન લાગે અને તમારી અનુમતિ મળે ?" આના જવાબમાં પેલાઓએ બે વર્ષ રહેવાનું કહયું અને ભગવાને પણ અમુક શરતે તેમ કરવાની હા પાડી. પહેલાં અભિગ્રહ જેમ મોહોદયને આધીન બનીને નહોતો કર્યો પણ જ્ઞાન દ્વારા માતાપિતાનું અતિસ્નેહવશ વહેલું મૃત્યુ થવાનું જાણીને, તેવા મહાઅનર્થને અટકાવવાને માટે જ વિવેકપૂર્વક અભિગ્રહ કર્યો હતો, એજ રીતે માતાપિતાના મૃત્યુ બાદ બે વર્ષ રહેવાની જે કબુલાત આપી તે પણ, કુટુંબીઓના મોહથી ખેંચાઈને મોહોદયને આધીન થઈને નથી આપી, પણ જ્ઞાનથી જોઈને મહાન અનર્થ થતો અટકાવવાને માટે જ | વિવેકપૂર્વક કબૂલાત આપી છે.
સભા માતાપિતાના મૃત્યુ બાદ અવધિજ્ઞાનથી મહાન અનર્થ જાણીને જ ભગવાન વધુ રોકાયા' એવું કયા શાસ્ત્રમાં છે?
પૂજયશ્રી : શ્રી આચારાંગસૂત્રની ટીકામાં ટીકાકાર પરમષિ શ્રીશીલાંકસૂરિજી મહારાજાએ ભગવાનને અવધિજ્ઞાન દ્વારા થનાર મહાઅનર્થનો નિશ્ચય કર્યો, એ વગેરે હકીકત જણાવેલી છે.
