________________
અજ્ઞાન છે ! પણ જે કેટલાકો વસ્તુત: હદયના ધર્મી નહિ હોવા છતાં, દુનિયાનાં જુદા જુદા કારણોને અંગે પોતાને ધર્મી કહેવડાવી રહી છે. તેમની પાસે આવો પ્રસંગ આવી પડે તો તેઓ શું કહે ? એ ખાસ વિચારવા જેવું છે. આવા પ્રસંગે શું તેઓ શ્રી રામચંદ્રજીની જેમ ચૂપ રહી શકે ?
નામના ધર્મીઓ આવા અવસરે લોચા
વાળ્યા વિના ન રહે તમે જુઓ કે શ્રી રામચંદ્રજીએ બધું કહ્યું. શ્રી ભરતજીને પોતાની સાથે રાખવાની પણ તેમની ઇચ્છા પૂરેપૂરી છે, પણ જ્યાં શ્રી ભરતજીએ એમજ સંભળાવી દીધું કે, રાજ્યલક્ષ્મી બહુ દુઃખકર છે અને એથી હું તેનો ત્યાગ કરવાને ઇચ્છું છું. એટલે શ્રી રામચંદ્રજી ચૂપ થઈ ગયા, એમ ન કહયું કે, ‘જોને ભાઈ ! તું કહે છે તે ઠીક છે, એમ જ કહેવાય, પણ આપણો ધર્મ એકાંતવાળો નથી. આપણો ધર્મ સ્યાદ્વાદવાળો છે. એ તો એવા કોઈ પાપી આત્માઓને અપેક્ષીને ભગવાને રાજ્યલક્ષ્મીને બહુ દુઃખકર કહી હોય, તેથી એ વાત બધાને લાગુ ન પડાય ! અને તું? મહાપુણ્યશાળી ! વિરાગભાવે રહેનારો ! તું તો રાજ્યલક્ષ્મી ભોગવતાં ભોગવતાં પણ તરી જવાનો; માટે આ બધી પંચાત મૂક ! છતાં તારી મરજી જ હોય તો હજુ કયાં બુઢાપો આવી ગયો છે ? બુઢાપો આવે ત્યારે નીકળી જજેને ! વયનાં કામ વયમાં કરીએ. જુવાની ભોગની વય છે માટે ભોગ ભોગવીએ અને વૃદ્ધવયે ધર્મેય કરીએ. એમ કરીએ તો કામેય સધાય અને ધર્મેય સધાય.” શ્રી રામચંદ્રજી આમાંનો એક અક્ષર પણ બોલ્યા નથી. એવા પુણ્યાત્માઓ મોટેભાગે એમ બોલે જ નહિ, પણ એમની ગ્યાએ કેટલાક નામના ધર્મીઓ હોય તો જરૂર આવા લોચા વાળ્યા વિના રહે નહિ. એમનાથી શ્રી રામચંદ્રજીની જેમ ચૂપ ન રહેવાય. આજના કેટલાક નામના ધર્મીઓ તો શ્રી જિનેશ્વરદેવના સિદ્ધાંતોનો એવી મીઠાશથી અને એવી પદ્ધતિથી અપલાપ કરે કે સામો અજ્ઞાન હોય તો એમાં ફસાઈ ગયા વિના રહે નહિ.
૨૧૫
