________________
૧૩૪
શિયાળો અયોધ્યભાગ-૫
(૮) સાધુએ ખાનપાનની સામગ્રી લાવ્યા પછીથી મારી ઉપર અનુગ્રહ કરો અને આપ આ વાપરો આ પ્રકારની બીજા સાધુઓને વિનંતિ કરવા દ્વારા પોતે પૂર્વે આણેલા અશનાદિનો પરિભોગ કરવાને માટે સાધુઓને ઉત્સાહિત કરવા, આનું નામ છે છંદના.'
(૯) પોતે જે વસ્તુ લાવ્યા નથી એવી પણ અશનાદિની વસ્તુને માટે હું તે વસ્તુ મેળવીને આપને આપીશ.' આ પ્રમાણે સાધુઓને નિમંત્રણ કરવું, આનું નામ છે નિમંત્રણા.'
(૧૦) દશમી છે ઉપસંપદ્ ! કૃતાદિના કારણે હું આપનો છું એમ કહીને અન્ય આચાર્ય આદિની નિશ્રાને સ્વીકારવી આનું નામ છે ‘ઉપસંપર્ક
- સાધુપણાને માટે સામાચારી પાલત આવશ્યક
આ દશે ય પ્રકાર ની સામાચારી સાધુઓને માટે છે અને સાધુઓ જે જે અવસરે જે જે સામાચારી આચરવી જરૂરી હોય, તે તે સમયે તે તે સામાચારીને આચરવામાં પ્રયત્નશીલ હોય છે. સાધુજીવન એ કેવું આજ્ઞાંકિત જીવન હોવું જોઇએ, એનો આના ઉપરથી પણ ખ્યાલ આવી શકે તેમ છે. સાધુપણાને માટે સામાચારી પાલન એ પરમ આવશ્યક વસ્તુ છે અને સામાચારીની આચરણા શક્ય છતાં પણ જે સાધુઓ સામાચારીના પાલનથી બેદરકાર રહે છે, તેઓ પોતાના હિતને હણનારા જ નિવડે છે એ નિ:સંશય વાત છે; પણ જ્યાં સામાચારીની આચરણા ન હોય ત્યાં સર્વવિરતિના પરિણામ ન જ હોય, સર્વવિરતિનું ગુણસ્થાનક ન જ હોય, એમ તો કહી શકાય જ નહિ.
