________________
2-))
.લંક વિજય...
તૈયાર થઈ ગયા. કેટલાકો હાથીઓ ઉપર બેસીને, કેટલાકો ઉંટો ઉપર બેસીને, કેટલાકો સિંહો ઉપર બેસીને, કેટલાકો ખરો ઉપર બેસીને, કેટલાકો કુબેરની જેમ મનુષ્યોને વાહનો બનાવીને, કેટલાકો અગ્નિની જેમ મેષો-બકરાઓ ઉપર સ્વારી કરીને, કેટલાકો યમની જેમ મહિષોપાડાઓ ઉપર ચઢીને કેટલાકો રેવંતકુમારની જેમ અશ્વો ઉપર બેસીને અને કેટલાકો દેવોની જેમ વિમાનોમાં બેસીને એમ જુદી જુદી રીતે રણકર્મમાં ચાલાક એવા અસંખ્ય વીરો, ઉડીને એકી સાથે શ્રી રાવણની ચારે તરફ ફરી વળ્યા.
રોષથી જેમનાં નેત્રો રાતાં થઈ ગયાં છે એવા અને રત્વશ્રવા રાજાના પ્રથમનંદન શ્રી રાવણ પણ તૈયાર થઈને વિવિધ આયુધોથી રથમાં બેઠા. હાથમાં ત્રિશૂલને ધારણ કરનાર કુંભકર્ણ સહિત બીજો યમરાજ જ જાણે ન હોય તેમ શ્રી રાવણની પાસે આવીને પાર્શ્વરક્ષક થઈને ઉભો રહયો. બીજી બે ભુજાની જેમ ઈન્દ્રન્તિ અને મેઘવાહન નામના કુમારો શ્રી રાવણની પાસે આવીને બે બાજુ ઉભા રહ્યા. બીજા પણ મહાપરાક્રમી પુત્રો અને કરોડો સામંતો ત્યાં આવીને હાજર થયા. જેમાં શુક. સારણ, મારીચ, મય અને સુંદ વગેરે હતા. આ રીતે યુદ્ધમાં ચતુર એવી અસંખ્ય હજાર અક્ષૌહિણી સેનાઓથી દિશાઓને આચ્છાદિત કરતા શ્રી રાવણ લંકાપુરીથી યુદ્ધને માટે ચાલ્યા.
હવે સૈનિકોની ધ્વજાઓનું વર્ણન આવે છે. ધ્વજામાં અમુક અમુક ચિન્હો હોય છે. કેટલાકોની ધ્વજાઓમાં સિંહનું ચિહ્ન હતું. તો કેટલાકોની ધ્વજાઓમાં અષ્ટાપદ મૃગનું ચિહ્ન હતું. એમ કેટલાકોની ધ્વજાઓમાં ચર્મ મૃગનું, કેટલાકોની ધ્વજાઓમાં હાથીનું, કેટલાકોની ધ્વજાઓમાં મયૂરનું, કેટલાકોની ધ્વજાઓમાં સર્પનું કેટલાકોની ધ્વજાઓમાં માર્જરનું અને કેટલાકોની ધ્વજાઓમાં કૂકડાનું ચિહ્ન હતું. કેટલાકોના હાથમાં ધનુષ્ય તો કેટલાકોના હાથમાં તલવાર, કેટલાકોના હાથમાં ભુસુંડી તો કેટલાકોના હાથમાં મુગર કેટલાકોના હાથમાં ત્રિશૂળ તો કેટલાકોના હાથમાં પરિઘ, અને કેટલાકોના હાથમાં કુઠાર તો
૩
