________________
લંકા વિજય.... ભાગ-૪
માટે એ બધું નહીં કરવું પડે ? કહો કે- એથી ઘણો જ વધુ અને ઘણાજ ઉંચા પ્રકારનો ત્યાગ કરવો પડશે. આમ છતાં પણ ત્યાં તો મરવાં પડેલી માતાને મળવા ન જવાય અને અહીં તો નિર્યામણા કરાવવાને માટે સંયમી બનેલો પુત્ર મરવા પડેલી માતા પાસે જઇ શકે છે. મરવા પડેલી માતા, નિર્યામણા કરાવવા, પોતાના સાધુ થયેલા પુત્રને બોલાવે, તો દૂર હોય તો પણ વિહાર કરીને બને ત્યાં સુધી જવું જ જોઇએ, એવું શ્રી જિનેશ્વરદેવનું ફરમાન છે. નિર્યામણા કરાવવા એ બંધાયેલો છે.
સંયમ લેતી વખતે, પ્રયત્નો કરવાં છતા અનુમતિ ન જ મળે અને એથી આજ્ઞા વિના જાય, તો પણ ભાવના એજ હોવી જોઇએ કે‘હમણા મોહવશાત્, અજ્ઞાનવશાત્ માતા-પિતા રજા નથી આપતાં, તો હમણાં એમને એમ એટલે અનુમતિ વિના પણ જવું અને પછી બને તો કાળવિલંબ કરી તેમને ધર્મ પમાડવાં માટે જરુર આવવું.'
દેશની માનેલી મુક્તિના પ્રયત્નમાં મા-બાપને તેમની આજ્ઞા વિના પણ તજી જવાનો નિયમ, તો આત્માની મુક્તિના પ્રયત્નમાંદીક્ષામાં, એ નિયમ બાધક કેમ ? દેશની માનેલી મુક્તિનાં પ્રયત્નમાં મરવાંનું ય બને, આવ્યા તો આવ્યા કહીને નીકળાય છે, ત્યાં કોન્ફરન્સ ઠરાવ ન કરે ? ત્યાં મા-બાપની, ગામની આજ્ઞા લેવાનું કોન્ફરન્સ ન ઠરાવે ? દીક્ષામાં તો તે શ્રી જૈન સંઘની રજા લેવાનું કહે છે, પણ આમાં તો આખા ગામની રજા જોઇએ ને? કોન્ફરન્સ અહીં ઠરાવ ન કરે ? પણ ત્યા જો ઠરાવ કરવા જાય તો ‘દેશદ્રોહી’ એવો ઇલ્કાબ મળે. જ્યારે ત્યા એવો ઠરાવ કરવામાં ‘દેશદ્રોહી’ એવો ઇલ્કાબ મળે, તો અહીં ધર્મની સામે એવો ઠરાવ કરવામાં ‘ધર્મદ્રોહી' એવો ઇલ્કાબ કેમ ન મળે ?
દેશની મહાસભાનો કાયદો ન ઉઠાવાય, તો શ્રી જિનેશ્વરદેવની આજ્ઞાનો ભંગ કેમ થાય ? આજ્ઞાનું પાલન કરે, એ આજ્ઞાને માથે ચઢાવે તે શ્રી સંઘ. શ્રી સંઘ તરીકે એ સન્માનવા યોગ્ય પણ શ્રી જિનાજ્ઞાને જે અવગણે તે ? શ્રી જિનાજ્ઞાની ઇરાદાપૂર્વક
