________________
સભાઃ એવું ય સાંભળ્યું હોય.
પૂજ્યશ્રી : આ બધું જેણે અનેકવાર સાંભળ્યું હોય અને જે આપણે જાણતા પણ હોઈએ કે આ બધી વાત દીક્ષા લેવાને માટે આવેલાના ખ્યાલમાં છે, છતાં કહેવું જ જોઈએ એમ? જો કે તેવો અવસર આવે અગર પ્રસંગે ઉપસ્થિત થાય તો ન જ કહેવું એમ નહિ. પરંતુ તેવા પરિચિતને જેમ નામ-ઠામ નહિ પૂછવાના કારણે વિધિભંગનો દોષ લાગતો નથી, તેમ આપણે જાણતા હોઈએ કે આવનાર આજ્ઞાની આરાધના તથા વિરાધના આદિ બાબતના ખ્યાલવાળો છે, તો તે કારણે તેને તે બધું ન કહીએ એથી વિધિ ભંગનો દોષ લાગે જ નહિ. એ સામાન્ય અhવાળો પણ સમજી શકે એવી સાદી, સીધી અને સ્પષ્ટ વાત છે.
પરિચિત પણ બદઈરાદે-ખોટા ઈરાદે
દીક્ષા લેવા આવે તો ? આવી જ રીતે પરીક્ષાને અંગે વિચારો ! આપણે જાણતા હોઈએ કે, દીક્ષા લેવાને આવેલો માણસ ઘણા વખતથી વ્રતનિયમાદિનું પાલન કરે છે અને ઘણા વખતથી ચારિત્રનો અભિલાષી હતો' એમ પણ આપણી જાણમાં હોય, તો તેની સમ્યક્વાદિ વિષયક પરિણતિની પરીક્ષા કરતાં બહુ વાર લાગે, એમ કોણ કહી શકશે ?
સભા: એમાં બહુ સમય ન જોઈએ.
પૂજ્યશ્રી : આથી સ્પષ્ટ છે કે, પરિચિત અને અપરિચિત વચ્ચે ભેદ રહેવાનો જ. આમ છતાં પણ દીક્ષાઘતા ગુરુને પરીક્ષા માટે રોકવાની જરૂર લાગે તો એ કારણે તેઓ તેટલો વખત દીક્ષા ન આપે તો એમાંય આજ્ઞાભંગ નથી.
સભા : કોઈ પરિચિત એવો જ હોય કે તે વ્યસનાદિમાં ફસાયેલો છે, અનાચારી છે, એમ સાધુઓ જાણતા હોય તો ?
ધર્મવ્યવહારની આડે આવે તે બધા પાપવ્યવહારો...૯
