________________
ધર્મપત્ની આવું કહે તેથી પેલો ધર્મસાધક પ્રબંધ કરવાનું માંડી વાળે એમ? ઉલટું સારો પ્રબંધ કરે અને તેની કલ્યાણભાવનામાં પણ અજબ વધારો થાય. પતિ સન્માર્ગે જવા તૈયાર થાય ત્યારે આ પ્રકારે તેને ઉત્સાહ આપવો અને નિશ્ચિંત બનાવવો એ જ જૈન પત્નીનો ધર્મ છે. અને કલ્યાણની અભિલાષી પત્નીઓએ એ જ ધર્મનું પાલન કરવું જોઈએ.
શ્રી જંબુકુમારનો પ્રસંગ આ તો પરણેલી પત્નીઓની વાત છે, પણ પરણ્યા પહેલાં માત્ર સગપણ જ થયું હોય તો ય કુલીન સ્ત્રીઓએ કેવી પતિભક્તિ દર્શાવી છે ? તે દર્શાવનારાં દૃષ્ટાંતોની પણ આ શાસનમાં કમીના નથી જ. શ્રી શાલિભદ્રજી વગેરેને ધર્મપત્નીઓ આડે ન આવી. એમ ન કહો કે પતિએ અમારી આજ્ઞા વિના દીક્ષા કેમ લીધી ? એ તો પરણેલી હતી, પણ માત્ર સગપણ જ કર્યું હોય તોય શું ? આને અંગે બુકુમારનો પ્રસંગ યાદ કરો.
એકવાર શ્રી જંબુકુમાર વર્તમાન શાસનના નાયક | ચરમતીર્થપતિ ભગવાન શ્રી મહાવીર પરમાત્માના ગણધરદેવ શ્રી સુધર્માસ્વામીજીને વંદન કરવાને ગયા છે અને ત્યાં તે તારકના મુખકમળથી સુધામય ધર્મદેશનાને સાંભળતા જબુકુમારના હદયમાં ભવવૈરાગ્ય ઉત્પન્ન થયો છે. અભાગીયાઓને માટે તો આમ થવું અતિ દુર્લભ છે, પણ પુણ્યવાન્ માટે તે આશ્ચર્યરૂપ નથી.
ભવવૈરાગ્ય પેઘ થવાના યોગે શ્રી જબુકુમારે શ્રી સુધર્માસ્વામીજીને વિનંતી કરી કે, ‘ભવબંધનને છેદનારી પ્રવ્રજ્યા હું આપની પાસે ગ્રહણ કરીશ. માટે જ્યાં સુધીમાં હું મારા માતા-પિતાને, પૂછીને પાછો આવું, ત્યાં સુધી હે ભગવન્! આપ અહીં જ સ્થિરતા કરવાની કૃપા કરો.' સ્થિરતા કરવાનું શ્રી સુધર્માસ્વામીજીએ સ્વીકાર્યું એટલે શ્રી જંબુકુમાર નગર તરફ આવવા નીકળ્યા. આ તરફ એવું બન્યું
ધર્મવ્યવહારની આડે આવે તે બધા પાપવ્યવહારો....૯
