________________
ભોગલાલસાને પૂરી કરવાને એ મૂડી વેડફી નાંખવાનો વિચાર કર્યો. ધર્મના ફળ તરીકે પાપનું સાધન પ્રાપ્ત કરવાનો નિર્ણય કર્યો. અને તેમણે એવું નિયાણું કર્યું કે, મેં કરેલા આ ધર્મના બદલામાં હું આ જ રાજા-રાણીનો પુત્ર થાઉં અને આવો જ ક્રીડા તત્પર થાઉં.' બીજા સાધુઓએ તેમને ઘણા વાર્યા. કારણકે નિયાણાના યોગે આત્માને ઘણું નુકસાન થાય છે એમ તે સાધુઓ જાણતા હતા. પણ પશ્ચિમમુનિ નિયાણાથી પાછા ફર્યા નહિ. કેટલાક કર્મો અમુક ક્ષેત્ર પામીને, અમુક નિમિત્તને પામીને ઉદયમાં આવનારા હોય છે. ધર્મદાન કરવા માટે શુભ ક્ષેત્ર, શુભ કાળ વગેરે જોવાની શાસ્ત્રોએ આજ્ઞા કરી, એનો હેતું આ છે. પશ્ચિમમુનિને પણ તેવું કોઈ દુષ્કર્મ ઉદયમાં આવી ગયું કે જેથી બીજા સાધુઓએ તેમને ઘણું ઘણું સમજાવવા છતાં પણ તે માન્યા નહિ અને પોતે કરેલા નિયાણાથી પાછા ફર્યા નહીં.
માગ્યું તે મળ્યું પણ ધર્મ ભૂલાઈ ગયો માણસે બરાબર ધર્મ કર્યો હોય તો ધર્મ ઇચ્છિત વસ્તુ આપ્યા વિના રહેતો નથી. “પૌગલિક અભિલાષાથી ધર્મ નહિ કરવો જોઈએ અને ધર્મ કર્યા બાદ પણ પૌગલિક અભિલાષાને આધીન બનીને નિયાણું નહિ કરવું જોઈએ, આવી શાસ્ત્રની આજ્ઞા છે.” પણ શાસ્ત્ર એમે ય જણાવે છે કે જો ધર્મ કર્યો જ હશે તો એક વાર તો પોદ્ગલિક અભિલાષા ફળીભૂત થયા વિના નહિ રહે. જો એમ છે તો પછી નુકસાન શું? ધર્મરૂપ સાથીદાર ચાલ્યો જાય તે ! પશ્ચિમ મુનિએ ધર્મ તો કર્યો જ હતો, એટલે કરેલા નિયાણા મુજબ પશ્ચિમ મુનિનો જીવ નંદિઘોષ રાજાની ઈન્દુમુખી રાણીની કુક્ષીથી પુત્ર તરીકે ઉત્પન્ન થયો. તે પશ્ચિમ મુનિનો જીવ રતિવર્ધન” યૌવનદશાને પામ્યો, રાજ્યનો રાજા બન્યો અને રમણીઓથી વિંટળાયેલા તે વિવિધ ભોગોને ભોગવવા લાગ્યો.
સ્વજનોનું મરણ, પાછળનાઓને ચેતવે છે..૮
