________________
૪૦
..સત૮-અયહરણ.....ભ૮૮-૩
મહેરબાની' આ પ્રમાણે કહ્યું. આપત્તિના નાશની સંભાવનાથી પણ આનંદ થાય છે, તો આવા મહાપુરુષોના યોગે તો આપત્તિનો નાશ નિશ્ચિત જ છે.' એમ જાણનાર અને માનનાર કલ્યાણમાલાને આનંદ થાય એમાં તો પૂછવું જ શું?
મંત્રીની માંગણી અને સ્વીકાર પોતાના માલિક વાલિખિલ્ય રાજાની મુક્તિ હવે થશે, એમ લાગવાથી, આનંદિત થયેલ અને કલ્યાણમાલાની ભાવનાને પણ જાણનાર સુબુદ્ધિ મંત્રી શ્રી રામચંદ્રજી પાસે માંગણી કરતાં
लक्ष्मणोऽस्या: वरोऽस्तु ।। “શ્રી લક્ષ્મણજી શ્રી કલ્યાણમાલાના વર હો."
વિંધ્યાટવીમાં પ્રવેશ આ પ્રમાણે કહ્યું, એ માંગણીનો વિના આનાકાનીએ સ્વીકાર કરતાં શ્રી રામચંદ્રજીએ પણ કહ્યું કે,
"वयं तातादेशात् देशांतरं यास्यामोऽथ निवृत्तेषु लक्ष्मणः परिणेष्यति"
“અમે પિતાજીના આદેશથી દેશાંતર જઈશું. દેશાંતર કર્યા બાદ પાછા આવીશું ત્યારે શ્રી લક્ષ્મણ કલ્યાણમાલાને પરણશે.”
આ પ્રમાણે મંત્રીની માંગણીને અંગીકાર કરીને શ્રી રામચંદ્રજી ત્યાં ત્રણ દિવસ રહા. ત્રીજા દિવસની રાત્રિ થોડી બાકી હતી અને માણસો સૂતા હતા. એ અવસરે શ્રી રામચંદ્રજી, શ્રી સીતાજી અને શ્રી લક્ષ્મણજી સાથે ચાલી નીકળ્યા. પ્રાત:કાળમાં શ્રી સીતાજી, શ્રી રામચંદ્રજી, અને શ્રી લક્ષ્મણજીને નહિ જોતી, તે કલ્યાણમાલા પણ ખિન્ન મનવાળી થઈ થકી પોતાના નગરમાં ગઈ અને પૂર્વની જેમ જ રાજ્ય કરવા લાગી. પ્રાત:કાળ થતાં પહેલાં અને કોઈને પણ જાણ કર્યા વિના ચાલી નીકળેલા શ્રી રામચંદ્રજી પણ ક્રમે કરીને નર્મદા નદીએ પહોંચ્યા અને એ નદીને ઉતર્યા. નદી ઉતર્યા બાદ વિધ્યાટવીમાં પ્રવેશ કરતાં તેમને બીજા પ્રવાસીઓએ તેમ નહિ કરવાની પ્રાર્થના કરવા છતાં પણ શ્રી રામચંદ્રજીએ હિંમતપૂર્વક વૈર્યથી તે વિંધ્યાટવીમાં પ્રવેશ કર્યો.
